■林雪於《PTU機動部隊》中飾演重案組警員。香港文匯報訊（記者 梁靜儀）林峯、蔡卓妍、方中信及林雪等演出的網劇《PTU機動部隊》正於「黃Viu煲劇平台」熱播，相隔十五年再度接拍「PTU」題材的林雪更率先劇透劇中的動人情節。在《PTU機動部隊》中林雪飾演重案組警員，與方中信最多對手戲，他又搶先劇透最感人的一場戲：「最鍾意就係我被賊人『搞掂咗』嗰場戲，因為我用簡短的幾句對白，總結咗我戲入面的人生。正如我啱啱所講，我唔會用時間做無謂嘢，我喺差館冇咩事都係休息吓，成日都休息吓，哈哈！！但係遇到真係要為大眾服務、甚至獻出生命的時候，我係一如既往咁樣走到最前面，所以我覺得嗰場戲完結得好好，多謝導演，就住嗰場戲我們傾談咗好耐，我咁樣走係好啲，就係咁，大家睇啦！」
對PTU系列有情意結的林雪，提到當年憑電影《PTU》得到第九屆金紫荊最佳男配角，他回味說：「呢個係我第一個獎項及第一套領銜主演的戲，所以拍返《PTU》(網劇)，仲有少少停留喺攞獎時的興奮感覺入面。」他又直言仍然恨攞獎，如果憑《PTU機動部隊》奪得人生第一個網劇獎項，肯定相當滿足，因為獎項就係最好的證明。
