■劉浩龍大騷肌肉。香港文匯報訊 日前，劉浩龍（師兄）在廣州中山紀念堂舉行演唱會，經理人黃柏高有出席外，師兄的妹妹也帶同媽媽北上撐場，順道慶祝母親節。全場3千座位爆滿，師兄唱出多支首本名曲外、更跳舞騷肌，又與3千觀眾齊齊向媽媽說母親節快樂，廣州觀眾反應更是熱情，不時齊齊開了手機燈大合唱；演唱會Encore完更有歌迷唔願走，繼續大叫Encore，但礙於場地規定，師兄最終都是不能再次上台。
過去賣唱唔賣舞的師兄，最緊張演唱會就是跳舞環節，幸好今次是將上次香港演唱會內容帶到廣州，師兄keep到一身肌肉同時又記得所有舞步，所以導演突然加要求，叫師兄如果台下反應好，不妨一脫。導演要求一出，師兄不敢怠慢，個唱前密密操，務求將最好騷出，怎知廣州觀眾出乎師兄所料，說：「去年開始健身後，身形其實一直keep到，所以今次無話要好辛苦減肥，只是喺𠵱個月戒口，食雞胸蛋白，等肌肉線條好啲，但估唔到廣州觀眾喜歡聽我唱歌多於騷肌，早知唔使練得咁辛苦。」不過實情是觀眾有大嗌除衫，只是師兄戴了耳機聽不到台下反應，幸好師兄習慣在Encore時除耳機，終於感受到觀眾反應，說：「可以近距離知道觀眾反應，唱得特別興奮，見到佢哋手機嘅燈，真心好感動。」而今次廣州演唱會的另一重意義，是當晚所有門票包括師兄歌酬的30%，將撥捐廣州市偉博兒童福利基金會，以傳遞慈善愛心和全心全意點對點幫助孤、貧、殘障和困境兒童，讓更多的孩子獲得及時救助。