■Bobby和群姐打扮襯到絕。香港文匯報訊（記者 梁靜儀）歐陽震華（Bobby）、劉丹、湯盈盈、單立文、呂慧儀、林淑敏、許家傑、張景淳及許詩敏（群姐）等，昨日到九龍灣出席《愛．回家之開心速遞》之「父愛情滿六月天」宣傳活動，跟市民一起慶祝父親節。Bobby與劇中愛慕他的群姐不約而同以黑紅色打扮現身，可謂襯到絕，二人在台上不單手拖手，又作狀啜嘴，群姐更稱是悉心打扮來襯Booby的。
Bobby表示客串的兩集將於本月24及25日播出，希望大家多多捧場，又透露將會有新片頭及新主題曲。問到是否由他主唱？他說：「如果我唱就趕客，我又唔係公司合約歌星。（只客串兩集可夠？）呢兩集搞到要拍天光，第二日就冒住黃雨去飛鵝山發射站，同群姐、李楓一齊行山，加埋千歲宴，斜坡成四十五度，地下又滑，好驚她們會跣親，可大可小。（想再拍？）睇公司安排。」問到他與群姐可有親熱戲？Bobby笑言當然唔少得：「係情侶嗰隻，好佩服編劇，劇中講我們係一對，但睇出來唔核突，有我情深款款對望嗒糖的鏡頭，又會穿越時空，有兩個古代、一個民初、一個現代，古代係祝枝山同花魁，仲有梁山伯與祝英台，民初版《色，戒》梁朝偉的易先生，而群姐好似叫湯碗。（可有像電影般露肉？）到時大家睇吓有冇驚喜，聽聞要打馬賽克。（從影以來最大膽一次？）我的戲好純真。」他又大爆群姐拍攝時出動五卡私伙鑽戒拍攝。活動尾聲，大會送上宣傳牌，Bobby又發現其名字歐陽「震」華誤寫成「振」後，就打圓場說：「同音就得啦！」
劉丹父親節收實用禮物
劉丹表示父親節要開工至晚上十點，而太太及孫女小糯米早一日已跟他提早慶祝，除送上蛋糕，孫女更親手畫了一張卡，上面有爺爺及很多花花草草。至於兒子劉愷威就在內地開工，未能一起慶祝，丹爺體諒說：「都係工作緊要，日日都可以係父親節。（阿仔有冇表示？)送了好實用的禮物。（手機？)總之好實用。」