避免出街 擔心失控
李伯伯：示威者連日擾亂黃大仙社區的行為，對附近居民造成好大影響，夜晚都盡量避免出街，好擔心情況會更加失控，造成人命傷亡，好擔心情況繼續惡化下去。
影響生活 驚過馬路
蔡婆婆：示威行動對生活造成好大影響，一早聽聞有集會就買定餸，都唔敢出街，連樓下去公園都唔敢去，當晚催淚煙霧飄上屋企，呼吸氣促好辛苦。暴徒將區內的交通燈破壞，過馬路都好驚，老人家腿腳唔方便，過馬路都要跟人才敢過。大家都是中國人應該和和平平，唔好互相鬥爭。
暴行過激 好唔安樂
黃伯伯：早上飲完茶就即刻回家，唔敢在街上逗留，活動範圍都縮細。在家中都聽到有警車經過，不斷傳來打鬥的聲音，個心覺得好唔安樂。他們的手段過激，不應該破壞公共設施及公物，就好似交通燈，令到社會沒有秩序，行人過馬路和司機開車好危險。
手停口停 擔驚受怕
王先生：我居住天水圍靠打散工為生，昨日(前日)的不合作運動令我不能夠上班，可謂「手停口停」，無咗一日糧；而一連串的衝擊事件，令人擔驚受怕。
堵路擾民 生意下跌
胡小姐：我於荃灣經營家庭用品生意，昨日(前日)黑衣人於荃景圍堵路，使員工未能上班，還令公司的收貨、送貨程序都不能做到，影響生意額下跌七成。
圖：香港文匯報記者 攝
