■市民應留意裝修公司的口碑。余錦雄分享自己一次經驗，曾經有朋友屋企做裝修，去兩間裝修公司報價，一邊報100萬元，另一邊報65萬元，開價較平的公司，將服務說到天花亂墜，於是他沒有查清楚就落訂，誰知竟遇到無良裝修公司，不肯完成工程，更以資金不足及老婆絕症為由，反告朋友毀約。最後朋友被逼妥協，後來發現公司本身已有其他官司在身，亦沒有進行工程，「我同朋友講，呢間專業呃人喎，你仲揀佢，真係打死無怨。」
先拆爛間屋再加價
余錦雄說：「現時坊間無良裝修公司的手法，例如原本裝修工程50萬，收你四成訂即20萬，之後用2萬蚊拆爛你間屋，然後再向你加價20%。跟住如果你取消咗合同，炒咗吽A佢會再告你，話你無理取消合同，未畀後面六成兼無故炒佢，要你賠償。佢會話叫咗你加多兩成錢但你唔肯畀之嘛，佢無走度喎。」
目前市場並沒有裝修公司的黑名單，余錦雄表示，小市民可以留意，如果一間裝修公司有官司在身就要有戒心，亦要注意公司的口碑。