■關智斌宣佈紅館騷加開一場。香港文匯報訊（記者 李思穎）容祖兒(Joey)前晚邀來好姐妹Twins的蔡卓妍（阿Sa）和鍾欣潼（阿嬌）和好兄弟關智斌(Kenny)擔任演唱會嘉賓，Twins在台上大爆Joey多人追，只是Joey拒人於門外，單是這晚便來了幾個追求者，頓時把Joey嚇呆，直認講感情即「龜縮」。另方面關智斌在台上正式宣佈，9月14日的個人紅館演唱會開賣即日全部爆滿，決定加開9月13日一場，全場起哄支持。
容祖兒以重量級女子組合介紹Twins出場，她開心說：「我們一齊長大，所經歷的不是你們能夠想像咁多，我曾經喺她們演唱會上飲大咗，真係要好信得過，好有親切感，好有歸屬感，我先夠膽在台上面飲大咗！唔知她們點對我，希望她們錫住我啦。」然後唱《風箏與風》一曲邀請Twins上台。
Joey嚇呆「龜縮」
阿Sa和阿嬌合唱《大紅大紫》一曲，台下粉絲尖叫聲不絕，之後阿Sa竟然大爆Joey情史：「其實今日(前晚)帶大禮來給Joey，我想講雖然Joey無咩緋聞，別以為她沒人追，其實好多人追佢，今日(前晚)已經有幾個喺度。」Joey即給嚇呆，阿嬌和應問：「你係咪想講日本那個？」阿Sa問：「係咪真係講得㗎？」祖兒馬上搶白：「唔係，掩住你們個嘴，觀眾們冇人想聽我緋聞，你試下再講，我拿對鞋塞住你個嘴......」 阿Sa不肯罷休說：「做乜呢，我想話好多人鍾意你，但你未同人開始就終止關係。」Joey解釋要專注事業，拍拖便會影響做不到這次精彩演唱會，觀眾聽到阿Sa問大家想不想Joey有個好歸宿時，現場萬多人起哄，唯是Joey怕醜垂頭說「我真係龜縮」，場面搞笑。
阿Sa終轉話題請另一位靚仔兼有腹肌的Kenny出場，四人合唱《死性不改》，令全場high爆，Kenny更在台上宣佈加場喜訊：「大家好！『關智斌Kenny is BORN演唱會』𠵱家正式宣佈加場！」全場萬多觀眾都戥Kenny開心，瘋狂歡呼。
約定下月齊賞月
Joey更興奮到扮大叔跳舞，阿嬌問Kenny個騷有何吸引地方，是否同大家賞月？Kenny朝向當晚坐在台下阿嬌老公賴弘國（Michael）的方向說：「你唔使賞月啦，你日日喺屋企有個Michael 實啲嘅畀你賞啦！」繼而Twins及祖兒齊齊宣佈，Kenny九月的演唱會，已經預了晚晚都會到場一齊玩，約埋大家一齊來玩。