■王梓軒同小朋友玩得很開心。香港文匯報訊 暑期動畫《貓咪媽咪Home》，今天正式上映。早前，王梓軒與戲中貓貓老豆肥L到戲院宣傳電影，更即場教小朋友跳「貓咪舞」及玩遊戲，場面熱鬧。
梓軒表示：「之前都試過與兒童慈善機構合作，但在遊樂場一齊玩就係第一次！玩完波波池又玩爭櫈仔，好興奮！今次除咗小朋友，大朋友都有一齊玩。」
問他怕不怕小朋友難搞？他說：「少少啦，其實佢哋個個都好乖，我到現在都有玩波波池，今次同小朋友喺波波池搵返啲貓咪牌出來，見到第一次接觸呢啲遊戲的朋友仔，我覺得好好笑，好純真的快樂。我爭櫈仔好叻，因為我通常都會望住播音樂嗰個人，佢差唔多落手我就搵定位，優先場反應好好，正式上映時，希望一家大細都去支持啦！」
當日梓軒同小朋友玩咗兩小時後，便開始到戲院謝票，有小朋友見到梓軒，更興奮表示睇咗3次《貓咪媽咪Home》，之後梓軒到銅鑼灣戲院謝票時，撞見正準備為《小Q》謝票嘅羅仲謙，兩位識英雄重英雄，更為對方打氣！