■陳豪、余德丞、Do姐和農夫出席活動。香港文匯報訊（記者 梁靜儀）鄭裕玲（Do姐）、組合農夫、陳豪及余德丞昨日出席電視城舉行的《晚間看地球》記者會，節目中三人率領四位男神陳豪、馬德鐘、黃宗澤及余德丞分別走訪土耳其、英國、日本及挪威，體驗不同地方的晚間樂趣。
陳豪透露於土耳其逗留三天，行程緊密，主力介紹當地著名的咖啡文化，問到他可有趁機為咖啡店入貨？他說：「有諗過引入當地咖啡機放喺香港用，但最後都擱置咗，因為要考慮消費者口味，我都係第一次去土耳其，雖然好多開咖啡店嘅朋友都去呢度取經，但我一直冇乜時間，可能遲啲帶埋屋企人再去。」早前陳豪舉家到泰國旅遊，他指三個仔女最開心，返港後也經常嚷着要再去，問到聖誕可會再次外遊？他說：「太太一早安排咗返加拿大，到時成家滑雪，我同啲仔女都係第一次，佢哋又未見過雪，我都好期待。」上次陳茵媺在泰國晒泳衣相，陳豪表示相片是他操刀的。問到為何沒有他的泳褲相？他即大笑說：「捨己為人？好難啦！𠵱家唔得，等我操弗先啦！太太身形就OK。」
鄭裕玲今次「破戒」夜間出動，笑言：「考慮到好多地方晚間都係香港的日頭，因為時差關係，同埋我哋去嘅都係遊客地方，夜極有個譜。」農夫則笑指今次有嘉賓主持幫輕他們不少，C君笑說：「以前話我哋係垃圾都唔認同，今次真係幾垃圾，仲有時間揸機。」
陸永笑指今次最大挑戰不是夜瞓，而是入森林跟灰狼玩，被取笑什麼都怕。陸永解釋因為他們入去前要上堂，導師說做不到某些東西便會死，不過後來入到去大家都玩得很開心。C君笑說：「入到去Do姐完全唔驚啲灰狼，反而係灰狼驚咗吽C」