■李家鼎香港文匯報訊（記者 梁靜儀）陳煒 （煒哥）、李家鼎、羅蘭、譚炳文、謝雪心及鄧佩儀等，昨日出席TVB《十一月星辰》活動。煒哥表示今個月21號便是其「廿三對」（46歲）生日，慨歎時間飛逝：「我係廿二歲選亞姐，人生一半時間都係在工作中，時間過得好快，（生日願望？）身體健康，多啲魄力，拍多啲好劇集，開心最緊要。」
李家鼎（鼎爺）表示近日忙於拍攝新一輯《鼎爺廚房》，每日要拍攝六至八個餸，由於自己要求高不想交行貨對唔住觀眾，故拍攝時間亦拉長，其間手指更被油濺傷。問到如何慶祝生日？他笑言節目預計拍至十二月中才完成，忙到幾乎連自己姓什麼都忘記。問到另一半可有哄他？他笑說：「我返到去沖完涼都搵周小姐拍拖（瞓覺）啦！」
鄧佩儀生日食快餐慶祝
談到其中環的食店「鼎會館」將於本月尾結業，問到屆時可會舉行歡送派對？他說：「唔好嘞啩！咁傷心，無謂搞呢啲嘢。（最後有冇白武士出現？）冇搵白武士，環境問題，（好多藝人相信你會捲土重來？）希望，有啲人喺呢件事上一沉百踩，聽完唔開心一定有。」不過他透露兒子的兩間麵店生意反而幾好，可能他們成本不太貴，不像鼎會館單是租金及管理成本就要八十萬一個月，捱不下去惟有結業。
本月10號27歲生日的鄧佩儀，笑言終於到了跟樣貌符合接近的歲數，皆因她入行拍第一套劇集時，曾有人說她似29歲。談到生日願望，她坦言希望有份演出的《金宵大廈》能在台慶頒獎禮奪得《最佳劇集》獎。她表示生日當天會放假，一班朋友約了她食快餐慶祝：「因大家都知我平日太健康，所以特地去食快餐，我已六、七年冇食炸薯條，（唔怕腸胃唔適應會肚屙？）應該OK。」問可有男仔約她慶生？她直言沒男生約會，認為緣分迫不來。