■施匡翹是樂壇新人，正式唱歌才短短半年。香港文匯報訊 蔣嘉瑩（Vivian）與師妹施匡翹（Zaina）去年尾舊歌新唱，翻唱昔日亞視經典劇「我和殭屍有個約會」主題曲《假如真的再有約會》，推出女女合唱版，成績相當理想，兩人連續獲得多個香港音樂頒獎禮獎項之外，更快速得到內地的音樂頒獎禮認同。早前蔣嘉瑩聯同施匡翹盛裝出席在廣州天河區文化中心大劇院舉行的「第三屆廣東省流行鋼琴頒獎盛典」，蔣嘉瑩憑《假如真的再有約會》奪得「年度最佳經典歌曲演繹獎」，施匡翹則奪「年度新銳歌手獎」。
兩人憑合唱版《假如真的再有約會》分別在五個音樂頒獎禮，共奪7個獎項，她們皆十分開心，蔣嘉瑩直言：「其實我復出只係想過下唱歌癮，勢估唔到我仲有機會上台領獎，真係發夢都估唔到，要多謝老闆夠膽畀我重出江湖再喺樂壇玩下，同埋要多謝經理人Apple姐（劉麗萍）好用心幫我，仲有公司所有同事。」
施匡翹亦十分興奮多謝公司老闆及所有同事：「我只係新人，仲要正式唱歌只係短短半年，完全冇諗過有機會企喺音樂頒獎禮台上領獎。（點樣慶祝及多謝公司？）畀心機再唱好啲及再做好啲報答公司。」