【資料速遞】明駿之星忠心鐵馬

2020-01-14

馬季過了三份一，姚本輝同呂健威保持勁勢，反而慣性季中發力嘅蔡約翰目前只排在中游；回顧過去，老蔡十二月穩步上揚，但依家仍輸榜首半條街，練馬呢回事，功力唔會忽然盡失，佢嘅冠軍地位亦唔需要質疑，計數量，老蔡目前有六十六匹，雖有「美麗非凡」一出即勝，加埋「夏威夷」及「爭分奪秒」大賽兵源的確唔憂，但中流砥柱方面明顯不及以往，尤其插班新馬唔見有幾突出，與之前幾年大堆明星馬陸續出籠，完全係兩個景象，但數今季蔡廄的一代表作，應數到「明駿之星」，今季七戰谷賽兩冠五位全上名，今次大可再接再厲。