李麗珊性格樂觀。香港文匯報訊 歌手李麗珊（Lisa）前年結婚，今年第二年派利是，不過今年因為疫情問題，好多團拜活動都取消了，始終健康是最緊要。Lisa最後煮了6人分量的美食，跟家人一齊分享。
參加2010年《亞洲星光大道3》歌唱比賽出道，近年忙於主持節目《細路開電視》及《Fit開有條路》，但Lisa一直未有放棄歌唱，繼去年推出第二張雜錦大碟後，近日又推出首張黑膠唱片。
以現在的唱片市道如此低迷，每次出碟都令Lisa壓力大到「爆瘡」，那為何仍堅持出碟，繼續追求音樂夢呢？她說：「我由細到大都好鍾意唱歌，好難得有唱片公司願意投資畀我出唱片。雖然近年有不少歌手都推出黑膠碟，但未有擔心銷量。」
李麗珊天生性格樂觀，所以黑膠碟中有首歌Lisa花了一個月時間去填詞，Lisa說：「新歌《無問題》，內容就是形容自己『天跌落嚟當被冚』的性格。我偶像是陳慧琳，過去的唱腔不知不覺有點似對方，但今次推出的黑膠碟，唱腔方面則樹立自己獨特風格，今次黑膠碟會有五首歌，當中四首歌係翻唱，主題係成長印記，所以黑膠碟裡面放咗好多童年生活照。」
談到新年願望，Lisa除希望大家身體健康，好快可以脫下口罩一齊呼吸空氣外，她亦希望可以推出第四張專輯，保持一年一碟的記錄。
