■余香凝(右)指導小演員做戲。香港文匯報訊（記者 梁靜儀）影壇新貴余香凝（Jennifer）演而優則唱，近日推出個人單曲《無得比》，希望藉歌曲鼓勵聽眾欣賞自己，不要活在被比較的陰影之中，日前Jennifer拍攝新歌MV，她不單有份構思MV內容，更導演上身，指導小演員做戲，她直言希望下次能親自執導個人MV，朝導演之路進發。
一手包辦《無得比》作曲部分的Jennifer，直言歌曲取材自真實經驗：「《無得比》主要係講『比較』嘅心理，記得小學時，有個同學彈琴好叻、讀書又好，媽咪經常同我講『你學吓人啦，點解你咁差㗎？』當時成日覺得自己好無用，最近媽咪撞返呢位舊同學，原來過咗咁多年，我仍然耿耿於懷，暗地裡想同對方比較，睇吓邊個成�啲，我先發現呢個心態好恐怖，所以要用呢首歌提醒自己，唔好成日同人比較，要相信每一個人都係獨特嘅，希望透過呢首歌，鼓勵大家多啲欣賞同愛惜自己，相信自己係最完美。」