幫色魔「連儂畫家」撐腰嘅大埔「黃店」鼎天茶室喺今次事發後選擇龜縮，截稿前都冇譴責呢啲冇道德嘅鹹濕行為，仲懷疑幫手刪埋大埔隧道「連儂牆義工」喺�哋facebook嘅爆料留言，唔通係想瞞天過海？定係兩人有咩利益轇轕？咁就得鼎天茶室老闆阿Ben心知肚明嘞！
涉非禮link當睇唔到
話說「連儂畫家」畫咗幅大型文宣畫作掛喺鼎天門口，仲畫咗好多扇喺鼎天度寄賣。當時，已經有人質疑「連儂畫家」係食「人血饅頭」。
不過，有大批網民喺鼎天fb留言踢爆「連儂畫家」啲衰嘢時，所有留言就被刪除。件事鬧到咁大，佢一句都冇回應。有人將「連儂畫家」涉嫌非禮嘅link貼畀佢，但佢就完全當睇唔到。
其實，鼎天多次涉暴，好似舊年12月，有18歲青年涉藏槍被捕，《蘋果日報》出咗篇文聲稱「『目擊者』指便衣警疑抹指模『插贓嫁禍』」，而呢個所謂「目擊者」就係鼎天茶室老闆Ben。佢鬼鬼祟祟話係茶室「員工」，仲言之鑿鑿稱自己聽到槍聲後衝出餐廳門口，「睇到」有便衣警員「驚慌地」拿起手槍抹走指紋，其後被喺現場街坊拍攝及喝止後放回地上。事後，當然證實並無其事啦。
見佢擘大眼講大話，網民「農場浪漫的採購」當時就慨嘆「乜野（嘢）都係插贓？咁多人望住插贓？咁都夠膽死講得出」。網民「Freemantho」說：「鼎天茶室老板（闆）阿Ben，根本就係××頭， 一開始就問警察做乜開槍。」有人亦質問佢：「目擊者點解唔拍埋片？」
呢間「黃店」喺信用表現上劣跡斑斑，今年3月被海關人員抽驗餐廳嘅粟米石斑飯時發現，其「石斑」並非「石斑」，而係鯰魚，餐廳涉嫌違反《商品說明條例》。■香港文匯報記者 文根茂