■Shiga替《小謊言》拍攝 MV。香港文匯報訊 （記者 文芬）連詩雅 Shiga 昨日32歲生日，她表示今年好開心自己首部劇集《那些我愛過的人》有唔錯的成績，她說：「好多朋友都打嚟追問劇情，好興奮喺街上仲有好多人叫我做方醫生，完全接收到劇集嘅感染力，最重要係拍攝嘅過程自己好開心好享受。」
Shiga 早前為主題曲《小謊言》拍攝 MV。她說：「可以為自己嘅劇集唱主題曲好有意義，我好鍾意呢首歌，可能大家會以為係一般嘅情歌，其實留心歌詞就會發現係講緊劇集入面同家姐黃翠如嘅關係，令到自己回憶起拍攝時候好多片段。」
拍攝MV時，導演要求Shiga走過一堆將會爆破的大氣球，Shiga說：「嗰幾個氣球真係超級大，所以爆破聲都比較強，導演話唔可以閃避，要擘大對眼keep住靚樣，其實原來幾恐怖，好彩自己都完成到，周邊同事仲拍晒手。」