■ 陳山聰大派薑醋卡分享喜悅。香港文匯報訊（記者 梁靜儀）陳山聰與太太陳麗萍（Apple）的兒子Jaco本月一號出世，昨日山聰返電視城為無綫新劇《超能使者》開工，向傳媒大派薑醋卡，分享初為人父喜悅，並透露兒子中文名叫陳霆軒。
問到山聰習慣了做新任爸爸嗎？他笑說：「冇咩習慣唔習慣，因為呢排都開工，朝早先返屋企，由於最近疫情嚴重，每日收工前都會做足防疫措施，會喺公司沖涼換過晒衫先返屋企，始終我哋呢行接觸人較多，成身細菌都要乾乾淨淨先可以抱個仔。」山聰又透露太太一早為他準備「走佬袋」，內裏有毛巾、衫及拖鞋替換。
山聰自爆做了爸爸後，經常手機不離手，望住手機內的BB照片及短片，他笑說：「現在唔使埋位時我都會拎部手機出嚟睇個仔啲相，有時又會睇個cam，返到屋企會抱吓吽A雖然呢個時候佢只係識得食同瞓，但係望住佢係會有好奇妙嘅感覺，（每日出門會否唔捨得囝囝？）我返工都叫佢乖乖哋，因為聽太太同菲傭姐姐講個仔都算乖算好湊，但有時就會好扭抱，否則喊到拆天，每次聽到個仔喊我就會忍唔住即刻衝埋去抱佢，唔忍心由得佢喊。」
見兒生奶癬感心痛
因近日疫情再在社區爆發，山聰慶幸兒子兩個月後才需要再去打針，他說：「之前囝囝去檢查過黃疸冇問題，不過呢幾日囝囝成臉奶癬，見到都心痛，好彩醫生開咗藥膏畀佢搽，現在靚仔返晒。」
談到兒子中文名，山聰透露已由一位長輩替兒子改名叫陳霆軒，他說：「其實一直我都好鍾意個軒字，咁啱長輩畀咗啲名我揀，其中又有個軒字，希望個仔man啲同埋硬淨啲，原本想改晨曦嘅??字，不過老婆話個名太多筆劃，將來個仔一定會埋怨我。」