■ 星級Wedding Planner(婚禮統籌師)王澤茵(Karen Wang)直言目前環境是她遇到過最嚴峻的。婚嫁行業今年絕對是難捱的一年，星級Wedding Planner(婚禮統籌師)王澤茵(Karen Wang)接受訪問時，直言目前環境是她遇到過最嚴峻的，九成以上婚禮延期，除6月限聚令放寬時曾進行過1至2個婚禮外，其餘20多個婚禮全部延期，「唔係你想唔想搞的問題，係人哋想唔想嚟。」
她說，以前每個月大約有10個查詢，但現在1個月都收不到1個查詢，「真係少到好誇張。」
Karen表示，婚禮統籌過程中，會先找不同供應商，再做流程、細節等，疫情下首先在供應商方面有部分已有問題，好像試妝、試衫等，疫情下人們不想有親密接觸，再去到揀日子方面就一定會出問題，因為目前疫情發展難以預測：「有客人2月延至10月，10月再延至明年1月，延期足足1年，但我哋都唔敢講明年1月疫情能否受控。」
婚嫁行業中，酒店所受到的影響一定最大。Karen說：「雖然佢哋集團式，我哋就小本經營，但酒店最慘係賣唔到個期就無咗一日生意，我哋仲可以幫個客諗第二個辦法去解決，但場地就係場地，下年做返今年等於無錢賺，佢哋個管理成本好大。」
婚禮延期 生育大計都押後
她最近接觸的新人大多心灰意冷：「我見到佢哋個心情係：『吓，又轉呀，又改呀。』假設轉明年一月後，又話有第四波都唔知點算，咁係咪要等到疫苗出先搞個婚禮？我都答唔到佢，個個都想疫苗出，但一日無疫苗，我哋係咪要繼續呢？尤其個別女性擔心超過生育年齡，希望結完婚後就生小朋友，越遲結婚影響越大，所以心情其實好徬徨。」
她續說，一個婚禮延期與否、賓客數量，疫情下都變成棘手問題：「好似最近有客人本身30圍，疫情下無咗外地客人嚟，得返20圍，食唔到場地的最低消費，咁係咪要延期？屋企人親戚點處理，一場婚禮有好多問題喺入面要考慮。」
原想擺酒50圍 最後只搞證婚
她今年手上原本約有20多個婚禮統籌工作，但最後九成以上延期：「多數都唔會取消婚禮，但形式唔同咗，可能改成簽紙，而有啲人已落訂亦難以取消。」其中10月有場婚禮，原本打算宴請50圍，最後改為簽紙，不過都安排了80人在場，不合乎現時婚禮上限20人規例，但亦只能見步行步。
Karen公司名為Tiara Wedding and Event Planning，作為星級婚禮統籌，她過去曾合作的名人包括朱李月華、陳曼娜、薛家燕、余國春、蔡志明等，公司主要係靠轉介及口碑等去營運，但今年明顯感到環境不同，除接到的查詢近乎零外，而客人出手亦不如之前闊綽。
疫情下她無法約見客戶，只能透過即時通訊軟件與客人聯絡，旁人會覺得好像工作更纏身，但在她的角度卻是省卻以往見面約談的難度，一些項目細節反而可以更深入討論，變相這段時間會更着重與客人建立關係及執行細節，看看怎樣豐富婚禮流程，「𠵱家係貴精不貴多」。