■吳浣儀提前替苑瓊丹慶祝生日。香港文匯報訊（記者 李思穎）吳浣儀應邀為好友苑瓊丹主持的《開工大吉》做訪問，暢談多年演藝生涯的點滴，又自爆年輕時任性「喜愛夜蒲」，更曾因拍拖而拒絕續約電視台，其後因老公患病要肩負養家責任，才復出幕前！
浣儀姐大爆年輕時喜歡周圍去玩：「當年收工後要去『蒲』㗎，去飲嘢跳舞，跳得好勁𠻹，我係鍾意去玩！年青時有人讚我幾靚，加上讀書時有做過舞台劇，覺得自己鍾意做戲，見到電視賣廣告，又冇咩做咪試吓考訓練班，諗住唔得，點知又過晒關，所以話真係整定嘅！」浣儀姐興奮得在苑仔面前示範舞姿。
入行初期，她都是做閒角扮茶客，兩個月後便接拍有分量角色迅速走紅：「因為我以前又曳又惡死，所以角色都叫做返自己，好自然就發揮到，至1975年我因為『嬲』而離開電視台， 當年都算年輕，做咗兩年突然搵你做啲閒角，加上唔小心NG就會有說話聽『唉，冇船過海啦！』，當時又剛開始拍拖，咁咪唔鬼做囉！」她表示愛情成為離巢動力，否則應不會太衝動拒續約。直到丈夫患病，一邊照顧家人，一邊拍劇養家，成為人生最艱辛的日子：「當時真係唔做唔得，仲要問鮑姐、羅蘭姐借錢過難關，要拍劇還債！」浣儀姐近期因為疫情而閉關，但仍期待好劇本降臨。
浣儀姐專程買蛋糕為臨近生日的苑仔慶祝，但反被苑仔「嫌棄」說：「我話唔好客氣，唔好買蛋糕啦，直接封利是畀我算啦，點知佢話我俗氣！又大一歲，唔好問我幾大年紀，我哋都係第一次慶祝生日，非常難得！」