第六場､第四班､一二○○米。「雪戰神駒」迄今兩W分別在谷草及從化千二米贏馬，雖然上季尚未一勝，惟季尾在三班谷草A欄千二後上與「英之星」串Q，可見現時落到四班必佔班利，今次角逐勝途排八檔，交予騎功硬淨巴度操刀，看來已有蠢蠢欲動之意。
第七場､第四班､一二○○米。「得益良多」去季六月尾爭同程，配大摩新寵波健士操刀僅負入Q，而騎者當晚亦為大摩四駒操刀；但係最後一役卻換潘頓操刀，臨場更捧成廿三蚊大熱開跑，可是快跟半程入直路爆唔起只跑第五。今季轉投希廄後操練循序漸進，埋門由薛恩接手打磨，此子上季中亦跑過呢匹馬多次，既早已熟悉馬性，搏殺自然可靠。
第八場､第三班､一○○○米。「綠色時代」五歲仔上季尾才上陣出戰三班同程，臨場打到四十九蚊開跑，可惜快跟大半程力戰只跑第四，經過歇暑後喺從化練兵，埋門試閘走勢比前上力不少，今仗沿用雷神再打硬仗，誠屬爭霸之材。