■陳恒鑌揶揄「手足」已被遺棄。 陳恒鑌fb截圖今次9名涉嫌協助12逃犯偷渡的攬炒分子被捕，有網民揶揄嗰班12逃犯嘅所謂「家屬」，應該向呢班人追究將12人送到內地嘅責任。有人話多得朱凱廸（朱隊友）唔少：多得佢夥同12逃犯嘅所謂「家屬」四圍搞大龍鳳，所以警方先會掌握到咁多資料拉人喎。
陳恒鑌寸「手足」被遺棄
民建聯立法會議員陳恒鑌昨日在fb轉發9名涉嫌協助12逃犯偷渡的攬炒分子被捕的新聞，並在帖文中揶揄：「自從『12瞞逃』被捕後，攬炒每個星期都搵啲野（嘢）做下（吓）Show博曝光，更老屈係『被綁架』，原來搞咁多野（嘢）係驚被人揭發自己友將手足送返內地。『手足』呀『手足』，又一證明你哋只係c（on）＿＿d（om）＿＿......着數就佢哋袋，用完就送你哋一程。」
網民「Louise Siu」留言道：「長毛助理原來係協助手足出海釣魚嘅人，各位父母可以聲討啦！怨（冤）有頭債有主呀！」「大兵」亦話：「係呀！『12瞞逃』的家人快啲搵議員幫手摷個（嗰）9男女問罪，係咪佢地夾計叫中國公安捉佢地（哋），係咪9男女向公安通水？」
有人就話，今次警方拉到人，實在要多謝連日陪住12逃犯所謂「家屬」四處抗議「搞大件事」嘅朱凱廸同鄒家成。「理大爆料─貳」fb專頁就發帖搞清楚個連結：「朱凱迪（廸）聚集12人家屬去報警>警察向家屬套料>9人被告協助潛逃，朱凱迪（廸）真係警察派去做臥底。」
「高俊」附和道：「朱high 廸最想警方交代嘛，宜（𠵱）家咪同你交代囉，拉多九男女，協助罪犯罪。」「沈浪」亦指：「今次佢地（哋）真係俾你累死。」「Gamey Tai」就話：「多謝你豬議員，越高調越玩死佢地（哋），依（𠵱）家攪（搞）埋幫佢地（哋）着草班手足，真係多L謝你！」
「やまだ しょうた」直言：「事實擺在眼前，但人們愚蠢，始終相信朱凱迪（廸）呢個名。」「Godfrey Chan」回帶道：「問下菜園村居民佢哋點樣俾佢（朱凱廸）出賣。」「馬西敏」嘆道：「咁（今）次係做實事嘅人俾政治抽水嘅人害慘！幫黑暴暴徒策劃潛逃嘅人被捕，抽水嘅人繼續抽水獲得紅利！」
網民質疑12逃犯篤灰
有人就認為，今次9男女被捉，可能係12逃犯篤灰。「Maggie YU」說：「十二人和盤托出不足為奇，不能心存僥倖。更令人憂慮的是十二人的手足們吧。」「Robert Young」道：「深圳鹽田十二瞞逃篤灰爆料之結果，為咗坦白從寬兄弟變契弟義氣變兒嬉，順籐（藤）摸瓜遲下還會有更多堅料爆！」「Mui Mui Chung」嘆道：「l2手足再出嚟指證，9個人難推翻其責！你幫我『送中』，我幫你入冊......唉何必。」 ■香港文匯報記者 陳川