攬炒派嘅核心係乜嘢？咪就係「糧支」囉！由於公務員事務局通知所有公務員都要宣誓或簽署聲明無耐，「新公務員工會」就宣布解散，呢番操作引起建制派議員同網民嘲諷，質疑佢哋︰「咁快就縮？又話齊上齊落？」
民建聯立法會議員張國鈞前晚喺facebook質疑「新公務員工會」點解咁快就要縮沙：「收晒會費然後一句唔該就解散，會員費呢？其實辭職再將個名改做離職公務員工會就可以，政府管唔到。」
就此，前「新公務員工會」主席顏武周回應傳媒話，會捐晒啲會費畀慈善機構喎，希望之後見到單據證明啦。
不過，「新公務員工會」咁突然解散都惹來不少網民嘲諷。「Terry Yung」話：「咁快就縮？又話齊上齊落？大不了咪唔撈，繼續發表意見！」「Kam Leung」質問：「這麼說，是全體會員為了『糧支』而放棄『公義』了？」「Cheung Chin Hang」同樣追問：「如果是追求『正義』野（嘢）做乜執笠？」
「Myron Au Yeung」認為佢哋係無膽先至真：「縮沙驚被炒就直接啲。而（??）家一邊縮一邊講到大義凜然，講咩保留實力咁。」「Kin Wong」道出真相：「解散咪即係想繼續喺度撈。」「Zen Lai」恥笑道：「只要我有『糧支』，話知你『手足』做乞衣（兒）。」●香港文匯報記者 郭家好