●陳太。香港文匯報記者 攝有街坊對黃巿集聚集大量人群感到不滿，表示曾有居民報警求助，但黃店待警方離場後又再繼續擺檔，指出在新冠疫情反覆下，擔憂會造成播疫危機。
陳東里附近居民陳太表示，有朋友居於黃店對面樓上，前日已開始有人聚集，昨日則最多人，最初以為有酒吧開業促銷吸引不少人捧場，現才得知當地搞市集，「呢度係住宅區，我朋友住二樓，真係好嘈，??家呢段時間疫情嚴重，佢哋又咁多人，梗係危險，有人無戴口罩仲飲緊酒，更加擔心。噚日同朋友討論，樓下啲人租出去做呢樣嘢，又嘈又危險，真係唔合理！冇人管！我諗住打電話畀朋友提佢小心啲，佢就住喺二樓，影響好大。」
她表示經常路過陳東里，是買餸回家必經之路，亦常會到該處找朋友，但現時擔心當地人多聚集會有病毒散播，所以不敢再靠近，而她更表示看到該處如此多人聚集，感到揪心。
附近街坊林小姐亦批評疫下搞黃巿集，「??家啲細路唔知�哋點諗，無端端咁大批人聚喺度，好危險㗎，??家疫情咁嚴重。見到咁大班人，我都唔想過去，因為有好大風險。希望警察到咗之後，佢哋可以快啲收斂，快啲控制。」
街坊洪先生亦指該巿集前日已舉行，而昨日到場的人較前日還多，「聽講已經有人報警，但都冇用，佢哋半個鐘之後又會返嚟嘅，次次都係警車一到，佢哋就有組織咁散開，無論街市定路邊都係人。肯定驚，佢哋唔少人無戴口罩吹水，密密麻麻都係人，條街都塞住。不過你話驚都冇用，話唔到佢哋，佢哋連警察都唔理。」●香港文匯報記者 文森