●周錦豪懶理垃圾堆積。北區監察議會聯盟fb截圖有啲攬炒派區議員選前就大大聲話要為社區服務，當選後就每個月袋住幾萬蚊人工懶理民生工作。講緊嘅之唔係北區區議員周錦豪囉，佢連垃圾問題都唔處理，激嬲班「黃絲」忍唔住鬧佢「垃圾」。不過計落，其實班黃絲最應該怪嘅應該係自己，邊個叫佢哋揀個咁無擔當嘅人做區議員啫！
「Fushi Lee」早前就喺fb專頁「聯和墟的生活點滴」發文，批評周錦豪乜都唔做：「呢到（度）選出黎（嚟）個（嗰）個議員，除左（咗）講邊到（度）有疫情，派下（吓）野（嘢），呃阿婆擦存在感 ，1年裡面為社區做過咩先？區內垃圾未搞好過，環保仲要做衰左（咗） ，仲有交通問題，一年衰過一年！」佢仲嬲爆咁話：「仲話自己選個（嗰）時幾咁『黃』，真心勁不知所謂垃圾。」
有唔少網民都表示認同，「Duncan Tang」就批評佢：「爛（懶）到出汁，除左（咗）抽水，唔見佢有咩改善社區議題提出。」「Kathy Wong」就話：「選果（嗰）陣唔係話好關注d（啲）垃圾放到周圍都係嘅咩？仲話人哋唔做嘢，佢選到後一定唔會咁架（㗎）！」就連自稱係周議員之前嘅義工「Angel Ng」都表示：「對佢真係好失望！」「Sandra Chan」就覺得班黃絲都怨唔到人哋：「自己選的，有甚（什）麼好怨？佢唔做，你哋咪自己做囉！而（𠵱）家明白咩叫自作孽，不可活啦？」 ●香港文匯報記者 倪思言