前年修例風波中，黃媒《蘋果日報》大肆報道盲眼女嘅傷勢，並企圖將盲眼女受傷原因歸咎於警方，挑動社會仇恨，當時多位政棍更以單眼手勢賺足政治本錢。不過，《蘋果》噚日報道同樣係「被爆眼」嘅「阿文」，就顯得低調好多，令網民質疑如果真係有證有據，《蘋果》肯定會做大佢，揶揄??家睇嚟「信佢一成，雙目失明」。
話說，《蘋果》噚日以「前線『勇武衝突爆眼』僅餘一成視力 父母願保送出國不願離港」為題，報道一名叫「阿文」嘅「勇武」男仔右眼喺前年修例風波期間「被子彈擊中，現時僅餘一成視力」，但好彩左眼無事，外觀與常人無異，所以佢可以依賴左眼嘅視力活動，並稱已經「習慣」，對日常生活影響不大。
事實上，呢篇文章主要講「阿文」唔會移民，而係選擇繼續留喺香港，因為「呢片土地嘅文化，同呢度嘅人，即係『手足』仲係喺度嘅話，我憑咩離佢哋而去？」咁講法，係咪將走佬去外國嘅政棍擺上枱先？定係呼籲無腦「前線」繼續做condom？
面對呢啲咁低調嘅報道， fb page「向香港警察致敬」都質疑呢個「阿文」「被爆眼」到底係堅定流：「嘩，毒果又搵到一名2019黑暴期的『爆眼』文宣男仔。被『子彈』睇（射）中，仲唔係穿腦，而係仲可以有一成視力？點解當時唔大造（做）文宣？無『手足』打『國際線』，無醫護出來做單眼手勢？」
網民：信佢一成，雙目失明
網民亦都紛紛留言恥笑《蘋果》，「Henry Leung」呼籲：「又嚟呢招？俾（畀）啲新意好喎。」「Ky Tin」譏諷：「當年嘅單眼女變左（咗）性？」「Joewitz Yeung」認為：「過2日可能有隻雙眼被子彈射爆嘅人妖黎（嚟）做文作呢？單眼又有幾好奇？」「Si Cheung」質疑：「眼中一鎗（槍）點解個頭無穿？」「Rebecca Cheung」批評：「分明就老作啦！射中隻眼咁大件事可以唔大肆報導（道）？」「Mk Lee」道出一切：「信佢一成，雙目失明。」●香港文匯報記者 郭家好