變種新冠病毒殺入社區,佐敦白加士街伯嘉士大廈居民須撤離至隔離營接受21天隔離檢疫。面對如此長時間隔離,有居民昨日在接受香港文匯報訪問時表示,為了預防疫情大爆發只好接受檢疫。雖然滿意當日的檢測和撤離安排,惟形容隔離生活十分「難頂」,中心內連電視、Wifi都欠缺,膳食欠佳,「我哋為咗防疫要困喺度咁長時間,但政府連少少娛樂都唔畀我哋,實在難受。」
上周六(17日)凌晨被送進鯉魚門隔離中心的連氏一家四口對於這場「無妄之災」大呼無奈。連太直言,伯嘉士大廈有不少少數族裔人士出入,偶然見到他們除口罩吸煙:「覺得佢哋有啲自私,防疫缺口就係咁嚟。」
據了解,大廈低層多被改裝為劏房,環境欠佳,但樓上單位一般屬「正常單位」,居民防疫及衞生意識較強,故環境也相對潔淨。
滿意檢測撤離安排
連太憶述上周五(16日)政府突然封區,當時感到十分徬徨和驚慌,幸好有檢疫人員詳細講解和安撫。雖然事出突然,但她滿意當日的檢測和撤離安排,「當日好快有檢測結果,入營短短兩日已經檢測咗兩次,都係陰性。」
不過,連太笑言變種病毒患者(指印度裔男子)曾三次檢測都呈陰性,故目前(自己)兩次陰性也未必代表安全,故理解政府要求他們進入隔離營的安排,「工作人員有跟我哋講,喺度隔離第十八日或十九日會再檢測一次。」
然而,連太對隔離營生活有微言,「隔離21天咁長,小朋友本來已復課,但又無端端無得返學,仲要21天咁耐,佢哋聽到都喊晒口,無得見啲同學朋友仔。」
連太與丈夫平時毋須上班,入住隔離營後一家四口的生活十分枯燥,「中心內連電視、Wifi都無,間屋真係得兩張枱,無其他嘢,最慘係我兩個小朋友,困喺度一啲娛樂都無。」同時,隔離中心的膳食「太難食」,其小孩「食唔落」,曾向中心投訴惟未有改善。 ●香港文匯報記者 文森