●「連登仔」鼓吹支持「港獨」組織「賢學思政」，被批評靠害。 網上截圖繼「學生動源」、「學生獨立聯盟」等「港獨」學生組織紛紛宣布解散，頭目亦相繼被捕或着草後，好似就剩低近期急速冒起嘅「賢學思政」。近日有網民喺「連登」發帖，聲稱「港獨」學生組織「好重要」，加上??家剩低「賢學思政」，於是鼓動其他網民要「支持」「賢學思政」進入校園，同時要課金又出力。不過，結果好多「連登仔」都走出嚟鬧個帖主，話佢係推班學生出嚟送死靠害，更質疑「賢學思政」根本係「學民思潮」金主想借屍還魂嘅把戲。
名為「可憐小正太」嘅帖主以「『賢學思政』係當下一個極其重要嘅學生組織」為題發帖，聲稱要有學生組織喺校園入面宣揚普世價值，但舉嘅都係「港獨」組織例子，如「學民思潮」、「學生動源」同「大專學界國際事務代表團」等，而且好多都已經解散。
帖主話，??家剩低「賢學思政」，所以大家一定要撐佢，「不論係『賢學思政』定將來可能出現既（嘅）學生團體，相信都因為冇工作而唔會有太多錢去印刷文宣品、物資去同學生宣揚『民主』，如果大家肯大力用唔同（嘅）方式去支持，相信可以減輕到佢地（哋）既（嘅）負擔，為下代避免『赤化』出力。」講到尾咪又係做冷氣軍氣叫人課金又出力。
講到咁露骨，搞到好多「連登」仔都不滿佢，仲直接隔空對鬧。「世上太多無能為力」認為帖主係推學生送死：「唔好害人啦......我既（嘅）意思係你條×樣（自己）無冒風險（就）推細路去死呀......你自己鍵盤打下（吓）×機，人地（哋）出名出樣。」但帖主點都要死撐，於是佢回應話：「只係喺校園宣揚『民主』就話到推班細路去死？你諗咗去邊？」
「世上太多無能為力」就繼續發文：「你推人去做，就自己出樣去陪人做，自己親自同佢地（哋）一齊付出代價，唔係你條×樣坐係到（喺度）捐幾個比（畀）人地（哋）營運既（嘅）臭錢，仲要入唔到佢地（哋）袋......然後開個垃圾POST要人地（哋）D（啲）細路去做。」睇嚟坒u係好驚班學生會信帖主而走去犯法。
質疑組織係「學民」翻版
另一位「連登」仔「我有剷車牌」就質疑「賢學思政」根本係「學民思潮」金主想借屍還魂嘅把戲：「一睇『賢學思政』個名已經知係食『學民思潮』條水，又係學生掛帥，仲要改埋個名叫王逸戰，分明想令人誤會佢非常好戰，係『勇武派』係『本土派』，九成係『學民』、『眾志』同一個金主捧出嚟。」
帖主呢種以為人哋睇唔出佢別有用心嘅行為，到最後咪俾「連登」仔鬧到得返自己一個人推文囉，真係大快人心，一個爽字啊。 ●香港文匯報記者 郭家好