● 周家蔚透露疫情下，美容產品店生意跌4成。香港文匯報訊（記者 李思穎）周家蔚（Janet）於4年前與教授護膚品調配的老師，合作開設美容產品店，她自言跟老師合作愉快，她笑言：「只是我老公（洪天明）經常話我不易相處。」她經營的美容店產品大部分都是老師親自研發，再慢慢試驗改良，而她亦會提出意見，務求做到最好，現時由最初得幾十款產品，到𠵱家有近二百款，也是他們的研發品，所以成件事感覺好開心。
談到疫情對各行各業打擊相當大，Janet亦感受甚深，她表示：「疫情期間生意跌咗4成，其實間舖唔算開咗好耐，點知運作開始成熟時就突然有個咁大嘅影響！但我覺得冇問題，仲撐得住，因為好多熟客都好支持我哋，所以我覺得口碑好緊要，有時客人會send返啲相畀啲意見我哋，見到客人皮膚狀態嘅轉變，都令我好有滿足感！」
Janet與老公洪天明育有兩名兒子，被問到如何做到事業家庭兩兼顧，Janet謂：「其實當初我決定經營呢間舖，同老師講嘅第一個條件就係，我會以家庭為先，咁拍檔理解呢一點就OK！𠵱家兩個仔平時學嘢、補習，我都會盡量親自接送，所以佢哋唔會投訴話冇時間陪佢哋！」