●2017年6月，公民黨借「支聯會」維園集會之機籌款。 資料圖片梁家傑揚言冇加入過 張國鈞質疑：「咁籌到啲錢去晒邊﹖」
香港「支聯會」每年6月4日都會喺銅鑼灣維園舉行集會，更持續以所謂「結束一黨專政」作為集會嘅口號。不過，面對香港國安法嘅有效實施，「支聯會」嘅五大綱領及口號被指涉違香港國安法，搞到好多攬炒派分子及團體都急急腳退出自保。好似「大狀黨」咁，主席梁家傑就同「支聯會」割席，聲稱「大狀黨」從來都冇加入過「支聯會」。民建聯立法會議員張國鈞就喺facebook發帖質疑，如果「大狀黨」從未加入「支聯會」，點解佢哋會年年喺嗰度臍厊w錢 ，定係屬於騎劫呢？有網民認為，梁家傑有此言論，完全係因為「大難臨頭各自飛」。●香港文匯報記者 郭家好
據報道，日前「支聯會」秘書蔡耀昌稱目前「支聯會」大約有200個會員團體，暫時有3個辦事處退出，但「支聯會」將維持維園燭光集會嘅原定計劃，又指唔會改五大綱領及口號。
面對陸續有攬炒派退出「支聯會」，梁家傑日前回覆傳媒查詢時竟然聲稱佢同大狀黨均從來冇加入過「支聯會」，所以並無所謂嘅退出，又反問係咪做義工都要退出喎。
面對梁家傑呢種咁無恥嘅說法，張國鈞就發帖質疑如果大狀黨從未加入「支聯會」，點解佢哋會喺嗰度臍厊w錢：「大狀黨話佢哋從未加入『支聯會』，但點解佢哋會幫手擺檔籌錢（定係騎劫）？咁籌到啲錢去晒邊？」
政棍食「血饅」 無水就散水
佢又話：「當初我都唔係好明點解佢哋做街站張相笑到四萬咁口，而（𠵱）家明晒。唔怪得成日開口埋口『未敢忘記』。」其實一切都係政棍食「人血饅頭」，因為無水所以散水。
監督議員行為嘅團體「議員糾察隊」亦喺facebook發帖，對梁家傑嘅言論表示厭惡：「公民黨好×笑喎！年年嗰日攞個籌款箱出嚟籌錢！」
好多網民紛紛留言批評「大狀黨」，鬧爆佢哋掠完水就割席。「Man On Kwan」認為：「冇加入，所以即係騎劫！」「Louis Hung」道出真相：「大難臨頭各自飛」。「Pak Chuen Cheng」揶揄：（「籌錢）袋住先？」張國鈞笑言係「用住先」。「Allen Yip」揶揄：「財到光棍手。」張國鈞幫忙糾正係「政棍」先啱。
「Terence Chow」寸道：「之前成日話齊上齊落，現在......」「???」亦狠批梁家傑：「咪扮集體失憶啦唔該！你地（哋）當我地（哋）傻嘅還是腦退化？」
