●暴徒鍾展鴻放咗監，話自己走咗佬去美國，在「連登」討論區聲稱需籌款80萬元喺美國告Apple。圖為2019年多名暴徒於港鐵寶琳站破壞閘機。 資料圖片黃色騙徒嘅手法真係層出不窮，最近有疑似暴徒鍾展鴻放監後唔好好改過自新，而喺「連登」討論區出帖作故仔，聲稱自己人喺美國，但喺Apple返工時因為「政治因素」受到「不公對待」，所以要眾籌80萬元用嚟喺美國告Apple，講到自己好威好勇咁。不過，一眾黃色「連登仔」就唔係好受落，質疑佢乜計劃都唔講就要80萬元，都唔知條數係點計出嚟，加上又用本地嘅支付工具「轉數快」，覺得佢係想食「血饅」掠水，叫佢「正正經經搵返份工啦好心」。
話說呢位「連登」用戶「有要求投訴舉手」稱自己就係暴徒鍾展鴻，2019年包圍港鐵寶琳站車務控制室、破壞站內設施，仲包圍襲擊調景嶺站休班站長，其後被法院裁定非法集結罪罪成，判處監禁4個月。
佢聲稱，自己之前喺Apple返工，但因為戴「香港」口罩而被「照肺」，覺得因為「政治因素」受到「不公對待」，後來稱Apple喺妘Q判罪成但未判刑前就出大信封炒咗吽A令佢覺得Apple有問題，心有不甘云云。
𠵱家放咗監嘅妐雃菑v走咗佬去美國，但仍然想告Apple，所以就想一眾「連登仔」幫佢眾籌80萬元，而用嘅係本地嘅支付工具「轉數快」。
唔知條數點計出嚟
其實，用少少腦就可以發現成件事都無邏輯，呢個鍾展鴻唔知係真係假，加上乜計劃都唔講就要80萬元，都唔知條數係點計出嚟，好難令人信服喎。唔少「連登仔」都留言質疑佢係想食「血饅」掠水。
「咖喱魚」指：「隊自己轉數快id前prove左（咗）自己喺美國同請緊律師又要80萬（元）先啦。」「零細好插」質疑：「80萬（元），一條友搵律師挑apple機，喺美國用FPS收錢，成件事好唔make sense。」「星辰」就質疑：「外國，但係用轉數快？依（𠵱）家當我係白癡定係點？」
「好心正經搵返份工啦」
「優希堂悟」直言：「又有（人血）饅頭食。」「窩蛋免治牛」亦勸佢：「咪×係（喺）度呃呃氹氹，正正經經揾（搵）返份工啦好心。」「_._」覺得成件事好假：「痴線乜資料都冇就話要80萬（元），都未講你個（嗰）80萬（元）條數點黎（嚟）啦......成件事我只係覺得似呃人，好心就正經搵番（返）份工啦。」
●香港文匯報記者 郭家好