 放大圖片
■JJ和達仔因合唱新歌而變得非常熟絡。
採訪：植毅儀
攝影：梁祖彝
場地：Roundtable
Hair：Ritz@Hair Corner
服裝：Amezing、Acupuncture
娛樂圈的路絕對不好走，相信隻身從家鄉濟南市來港發展的賈曉晨（JJ）深明箇中道理。07年憑擔任《味分高下》味之天使「梳打」而成名。作為新一代的性感女神，JJ與樂壇新人狄易達因合作愛情歌《一種快樂一種苦》而成為好友。兩人大談愛情觀，想不到外表柔弱的JJ，曾為情自殺。至於剛於去年樂壇頒獎禮取得佳績的狄易達，卻因為成為藝人，而同拍拖3年的女朋友宣告分手。
拍拖對於藝人來說，就像一個不可捉摸的水晶球。跟其他藝人一樣，JJ宣稱現在無拍拖。但心直口快的她卻在記者前埋怨，公司下達最高指令，唔畀佢拍拖。「我好想拍拖蕂，不過文迪（經理人）講到明，唔畀我拍拖，可能怕我一拍拖就好似癲咗咁，沒心機工作啦。」
曾為情自殺 公司禁拍拖
這也難怪公司，原來JJ有不良記錄，曾試過為拍拖而疏於工作，更試過為情自殺，難怪公司要睇緊佢。「我是那種對愛情十分投入的人，一旦衝了進去，就會變得成個人麻木了。可能自己感情太豐富，拍拖會200%投入，希望對方可以24小時陪住我。小時候試過同男朋友分手，我好好好傷心，跟住為情自殺。現在人大了，知道兩個人最緊要『夾』，一齊開心就OK。」
香港男士較現實
唔知JJ對香港男士又有咩睇法呢？「之前我都有同香港男仔拍過拖，香港的男士把口好叻，好識氹人，追你時咩好聽的話都宣之於口，捧到你上天，可惜分手時，之前講過的甜言蜜語、天長地久，統統都可以當無講過，仲好現實，以前日日call你話愛你，一旦分手就唔會得閒再覆你call，話和我唔夾。」
雖然在愛情路上受過傷，但27歲女，始終對愛情有憧憬。「我好羨慕劉嘉玲，搵到個好似梁朝偉這樣好的老 公。曾經我好想有裴勇俊、權相佑那樣的男朋友。因為山東好近韓國，有好多韓國留學生，我初戀男友也是個韓國人，他來中國學中醫，我們在濟南認識，當時受他影響，我大學亦讀中醫。現在最想找個像古天樂咁靚仔的男朋友，不過有機會同古仔合作拍電影都已經足夠！」
|
放大圖片
