 放大圖片
■狄易達的舞技，迷倒不少少女。
作為師弟，狄易達就很幸運，經理人更鼓勵他拍拖，因為對唱情歌有幫助，在旁的JJ聽完，流露出羨慕的眼神。「我份人其實好悶，從小到大都只是喜歡跳舞，但都有幾次拍拖經驗。對上一次拍拖，女朋友就係被我舞技吸引，一拍就3年，可惜因為我入行而分手。我覺得以前讀書時期拍拖好簡單，出來工作後好多嘢要兼顧。可能大家工作性質不同，佢有時會埋怨我沒時間陪佢，既然兩人步伐唔一致，倒不如和平分手。好似我的歌名《一種快樂一種苦》，拍拖一定有喜、有悲，兩個人相處要互相體諒，但點都好，佢係一個好女仔，我都希望佢將來開心。」
多謝家人全力支持
去年出道的狄易達，是叻哥點名力捧的新人。11歲開始學跳舞的達仔，以Breakdancing俘虜一眾Fans心。「我細細個已經好鍾意跳舞，不斷參加跳舞比賽，最遠試過去匈牙利首都布達佩斯做表演嘉賓，當時好威水。一邊教人跳舞，一邊吸收新知識，後來遇到經理人文迪，咁就加入娛樂圈，成為歌手。」除了遇到伯樂外，家人的支持對達仔都好重要。「好多人都話娛樂圈是大染缸，好易學壞，但家人知道我要成為歌手，都大表支持。可能我一向行為良好啦，哈哈！不過我真係好多謝全家人的支持，好似我爸爸咁，因為佢要返內地工作，我又成日唔返屯門𠳓。有一次，我在屯門屋企𠳓醒，見到爸爸在我床邊默默地看著我，個心忽然好感動，後來聽返媽咪講，原來爸爸知道我工作辛苦，唔忍心嘈醒我，只係睇下我已經好足夠。」
望與William合作
據知唱片公司一開始簽了十多個新人，達仔是第一個殺出重圍的人。去年第一首派台歌《JustGo》已經意志堅定地表明自己心聲，一直跳下去。「去年頒獎禮，好多記者朋友問我點解坃獎時唔喊，其實我個心當時好激動，但仲未去到要喊的階段。好多人用我同陳偉霆（William）比較，但其實我們都好friend，頒獎禮前夕，佢仲send message畀我，叫我畀心機，如果有機會，我都想同William合作跳part舞。入行前我唔係好識同人相處，好多嘢都係玩玩下，但現在要求多咗，真係當呢份工係我的事業。」
跟Eddie學Jazz自我增值
講開跳舞，達仔好似一隻開籠雀咁，完全停不了口。「不用工作的情況下，我每天會先和Eddie去跑山，然後回公司排舞。你咪以為跳Jazz好易，其實好難蕂。因為我跳開Hip Hop一向硬橋硬馬，Jazz則講柔軟度，單是練拉筋這些基本功，都已經頂唔順，仲試過跳到抽筋，有時又會出現手腳唔協調，諗起都好笑。」除了積極自我增值，達仔話今年大計還有學樂器及教人跳舞，教人跳舞唔通佢唔夠錢用？「你唔好誤會，我入行前都有教人跳舞，不過今次性質唔同，唔係為錢。我希望今年繼續在屯門教年輕人跳舞，自己在那裡長大，都希望做點事回饋社會，一大班年輕人一起跳舞，有益身心之餘氣氛仲好熱鬧。同埋我希望學其他樂器，像結他，對自己都有幫助。」
|
放大圖片
