 放大圖片
■阿水現時已放低欠債這件事，盡心盡力繼續工作。
採訪：植毅儀 攝影：曾慶威
「那天我在澳門完成工作，打算到賭場見識下，點知有三名陌生人同我一邊玩一邊傾計，見我輸錢又話幫我畀住先，點知返到香港就遭大耳窿追債。」以上對白不是出自警訊節目，而是司徒瑞祈（阿水）的真人真事。入行4年，去年被揭於澳門豪賭疑欠下巨債，幸好一向乖乖仔形象的阿水，獲家人及公司的百分百支持，令他重新振作，阿水在事後更深深體會人間有情。
相約司徒瑞祈做專訪，經理人事先聲明唔可以再提欠債事件，還是阿水體諒傳媒，自己主動說起事件始末。「其實事件發生了一段時間，自己都公開在電視中交代了整個過程，都沒什麼事不可對人言，我想經理人唔想提，係希望新一年我有個新開始。」08年尾，司徒瑞祈在澳門賭輸錢欠下高利貸約80萬元，回港後遭高利貸潑紅油追債，哄動整個娛樂圈，而當時他亦坦言：「唉，經一事長一智，我會學識帶眼識人。希望大家引以為鑑，不要賭博及別相信陌生人。但我真係好衷心多謝公司畀機會我，還有家人的支持。可能我由細到大都唔係曳，所以家人好信我不是這樣的人，出事至今，屋企人沒問我任何事，只在一旁默默支持我，令我感到十分安慰，我現在好珍惜同屋企人相處的時候。」
方中信主動關心
其實關心阿水的又豈止家人，公司上至無線高層樂易玲，下至合作甚久的劇務、道具、收音同事，甚至是街邊賣水果的阿姐，都對他無限的支持，這些關懷成為阿水另一種原動力。「其實唔發生這件事，將來都可能會發生另一件事，令自己跌得更厲害。以前想法太簡單，現在比以前成熟，是一個好好的經驗。發生事後，我曾經唔想見人，那時正在拍《杏林深處》，方中信主動行去我度同我講『咪頭耷耷啦青少年人，提起精神！』嘩！我聽完個心好warm，我一向不善交際，平時都好少主動走去同人打招呼，怕被人話我扮friend，我真係冇想過方中信會主動鼓勵我。
「還有要多謝徐淑敏、陳安瑩（即《東山飄雨西關情》飾演汪明荃近身侍婢），安瑩姐姐好似家姐咁，日日同我傾計，令人獲益良多。雖然我都知好多街外人話我蠢，但亦知好多人支持我，樓下的水果店阿姐大大聲話：『阿水，加油呀，我撐你呀！』訪問當日，在西貢戶外拍照時，不少經過的途人，都同阿水打招呼，可見大家都願畀個機會佢。
|
放大圖片
