放大圖片
【本報訊】(記者 梁靜儀)黎明(Leon)一連四場的「DREAM WEDDING LEON LIVE 2009」演唱會,尾場前晚於紅館順利完成,Leon沒有如傳媒所願在台上宣布婚訊,反而是宣布已入紙申請明年再在紅館開part2演唱會,計劃加入印度色彩,粉絲又要儲定錢捧場。
Leon的演唱會可說是在風雨中舉行,幸好天公造美,第三晚及前晚的演唱會都可以避過颱風莫拉菲順利舉行。前晚Leon的女友樂基兒因不在港未有出現,反而屢傳不和的楊千嬅,偕同好友劉浩龍前往捧老闆場。Leon在台上與雷頌德談起當年將《小城大事》一曲交由千嬅主唱的原因,並大讚千嬅唱得好,千嬅聽到老闆公開稱讚,立即站起來向Leon及觀眾們鞠躬道謝,以行動粉碎不和傳言。
一向有「金句王」稱號的Leon,前晚又再有金句:「有時愛情入面有傷心、愛恨,未知能否長久續,我地生活在乜炡ㄕ釭漲a球世界入面,你地選擇在星期日來呢度睇我,而我毫無選擇地同大家唱歌,有時人與人之間要向前行一步。」說罷便唱出衛蘭的《心亂如麻》,台下觀眾也聽到心亂如麻。
安歌握手險跣低
在安歌環節時,Leon走到台兩側與觀眾揮手,期間在落樓梯時幾乎不慎跣了一跣,幸好並無出洋相,但已令全場觀眾嘩然,他即自嘲來遮醜說:「個天真係錫大家,我跣都在最後尾先跣。」Leon又向觀眾承諾會繼續做好地球人,做好自己的工作,又有感而發的說:「講D真實性的話題,今晚辛苦各位記者,我在後台不會接受訪問,因為我前一晚發夢,夢到D總編輯問我三個問題,呢三個問題我點講點答,所有記者朋友都好有性格,堅持唔會睬我,我唱『讓我孤獨的心……(《我這樣愛你》)』又話我寄情畀樂基兒聽,其實唱呢首歌時,明明都未識樂基兒。」趁機否認向女友以歌傳情。他又自圓其說:「相信寫的是女仔,應該沒惡意的,只是『for fun』,總之多謝總編輯關心。」今次Leon的個唱只開三面台,但他謂做這幾場演唱好開心,見到大家的熒光棒好感動,並承諾歌迷下次會開四面台,亦希望加入印度的色彩構思,說罷便唱出《我這樣愛你》。
Part 2加入印度色彩
演唱會結束後,黎明與楊千嬅、新寵Janice Man、老闆林建岳及劉浩龍等齊出席慶功宴。Leon最終姣婆守唔到寡,接受記者訪問時,提到他指發夢夢到的三個問題,他未有正面回答,只稱「金句」是沒有經過設計,have fun,而娛樂新聞有三樣洁A有原則、有態度及有方向。對於在安哥時差點跌倒,他直言無想過,又賴地下不夠硬:「對鞋跣一跣,最多咪跌倒,可能唔係石屎,係木板都唔太擔心。」問到他演唱會還會舉行part 2嗎?他透露有意在明年舉行part 2演唱會,因為今年檔期問題只能演四場,並考慮加入印度色彩,因為早前在公益金活動見到三個《一百萬零一夜》的小朋友跳舞,令他有此想法,他說:「我睇印度人跳舞覺得好得意,如果《全日愛》用印度feel去唱,再加埋有D跳印度舞會好睇。」
Janice Man未打算出碟
對於新寵Janice Man在演唱會首度獻唱,問到他覺得對方表現如何?他竟說:「我冇睇喎!(你地同場表演嘛?)佢係新人v經驗實戰好過模擬,做多D唔同匯洁A等同我初入行時又舞龍、舞刀。」他指Janice Man在演唱會唱的歌,錄了三小時便完成,但她不會做歌星,未來會主力做模特兒工作,可說是一個「模Art」(模特兒Artist)。剛加盟Amusic旗下的Janice Man,即有機會與老闆踏上紅館舞台。她坦言第一場好緊張,在出場前與工作人員祈禱。她直言對唱歌有興趣,但與公司所簽合約主要係拍戲及模特兒工作,故暫未有計劃出碟。
黎明表示完成演唱會後要返內地趕拍《十月圍城》,八月十六日會在港參與博覽演唱會宣傳香港。獲頒銅紫荊星章的Leon,表示十月一日國慶當日會出席特區政府的授勳儀式,他謂能為香港人及社會做事很開心。
|