 放大圖片
【本報訊】（記者 梁靜儀）楊千嬅與老闆娘樂基兒前晚齊出席Max Mara時裝騷，不過千嬅是以嘉賓身份去睇騷，樂基兒則擔任模特兒行騷，壓軸出場時更穿上婚紗，千嬅大讚老闆娘「勁靚」，擺明擦老闆鞋，但卻忘記恭喜對方。
千嬅與樂基兒之前同被揭發在美國賭城秘密結婚，事發後首次同場出現，當晚樂基兒率領一班模特兒行騷，壓軸出場時更穿上一襲婚紗，手持多個粉紅氣球，雖已過了新婚蜜月期，但樂基兒仍露出喜悅神色。問到千嬅可有看中婚紗時，她即雀躍地說：「勁靚啦。（邊個模特兒？）當然係老闆（黎明）個老婆啦。（可有恭喜樂基兒？）未有機會碰面，但已發了短訊給黎明，他已回覆我。」
跳幾跳證明沒懷孕
當日的活動是由千嬅老公丁子高所屬的公關公司舉辦，但卻未見丁子高蹤影，問千嬅兩人是否刻意不同場？她否認是刻意，但又說：「等正式結婚之後先啦，其實只係工作上有唔同的安排，佢有佢做嘢，即使是老公的公司找我工作，亦要請示經理人，不會有優先。」丁子高透露想組公司，她說：「男人做嘢，女人好少問。」
突然秘密結婚的千嬅又因她的一身裝扮再次惹來有孕疑雲，千嬅聞言即場跳了數下，證明沒懷孕。生仔之事可會請教樂基兒？她說：「老闆唔敢問，陳慧琳有機會都可以請教。」 心寬體胖的她笑說：「要瘦返先得喇，要搵個師傅學番兩招，下次出活動時乜都唔使講，係咁打觔斗，但其他人可能以為我係精神病。」
展示七個不同性格
樂基兒近日被邀為STACCATO鞋產品拍攝新一輯宣傳片，拍攝概念以樂基兒的七個不同性格，包括「創作的態度」、「果敢的態度」、「性感的態度」、「自由的態度」、「生活的態度」、「愛的態度」及「自我生活態度」，導演更以真人騷手法拍攝，務求將樂基兒最真實的個性顯露人前。樂基兒還會替該品牌的新一季鞋款擔任設計，其中一款將是樂基兒的作品，當中5%的收入更會撥捐「香港兒童癌病基金」。
|
放大圖片
