政經人語：「火星文」論會展業 無知兼「冷血」

李自明

　時興講潮語，甚麼「屈機」、「蝕桌」、「賣飛佛」，聽得人一頭霧水，近期動作多多的公文袋(公民黨)原來「潮得很」，皆因一眾大狀講起經濟議題，尤其是關乎香港長遠競爭力的基建問題，用的正是一口無人明白的「火星文」。政壇高人昨日拜讀「戲子陳」陳淑莊新發表的大作，簡直「眼都凸埋」，有會展業界人士則以「笑甩大牙」回應，直言戲子陳連基本的「會展業ABC」都「矇查查」，還要扮專業提出一些似是而非的觀點，擺到明是「噴口水博出鏡」，卻完全漠視香港的長遠發展需要，「今番真係傲慢兼無知，『藍血』變『冷血』」。

　甚麼叫「政治擺中間、經濟民生放兩旁」，公文袋近期作為就是最佳演繹，舉凡會展三期擴建、廣深港高速鐵路香港段上馬，公文袋都「有理冇理話之你，跳出嚟反對咗先」，戲子陳或大口湯之流，莫不發揮大狀「靠把口，齋珕冇成本」的特異功能，一個「揸住份問卷調查扮內行人」，聲稱有逾8成受訪者憂慮會展三期會加劇灣仔交通擠塞，8成人反對興建，更為工程扣上環境污染「大帽子」；一個則聲稱要為菜園村居民出頭，力指廣深港高鐵無助香港經濟。

只顧撩交打 懶理港死活

　政壇高人嘆言，兩個藍血人自以為站上道德高地，便可以指點江山，卻不知其言行盡顯對經濟發展的無知、漠視民意的傲慢及「只顧撩交打，懶理香港生死」的冷血。戲子陳文章說：「貿易展覽活動佔會展及亞博每年的使用時間不足5成，反映展覽設施的需求未如政府及貿發局所述般殷切……」早前又曾經話：「會展搞埋D食品展、婚紗展只係賺香港人匯錢，同貿易無關……」這番偉論，令業界人士「過辣雞」，向自明呻道：「戲子陳記台詞或者叻，但就連咩叫會展都唔識！」

會展益市民 竟指賺港人錢

　業界人士話，姑勿論鄰近地區急起直追，香港若不未雨綢繆，隨時喪失亞洲會展業龍頭地位；亦不說灣仔會展早面臨「爆棚」危機，有實質擴建需求，就說被戲子陳斥為「賺香港人錢」的美食展、婚紗展，也無一不令港人得益：「咁多地方匯商家嚟參展，點叫唔係促進貿易呢？展覽促銷，港人都買到平貨，唔通冇好處？一個展覽仲可以益埋飲食、酒店、零售，唔通又係呃香港人錢？照戲子陳咁講，香港都唔使搞書展、動漫展喇！」

頻玩覆核 慘變「爭拗中心」

　之前大口湯的廣深港高鐵「無用論」，已有業界點出其謬論的無稽，政壇高人也不想再贅言跨境基建對本港長遠發展的重要性，只嘆說：「班大狀動不動就要話打官司，要司法覆核，係唔係要將香港變成『爭拗中心』？好似香港除咗糾紛仲裁中心就冇其他嘢可以做咁！不過，就算特區政府話要搞國際仲裁中心，呢個都算係班大狀匯專業，但都唔見公文袋就呢樣嘢提出乜建設性意見啦！」　

　政壇高人搖頭話：「呢班大狀以為靠把口就可以食飯，當然大狀可能都習慣咗靠把口就有錢收，但都唔應該口燝燝當秘笈，講埋D冇建設性匯火星話，危言聳聽！套用句電影台詞：『地球是很危險的，你還是回火星吧！』」他語重心長地寄語公文袋：「出口術前先做下功課，唔好變成凡事唔經大腦匯政治動物！」