|
立法會三讀藥駕危駕刑罰加重50%的辯論餘波未了。社民連的陳偉業（大o舊），在會上反對其「同路人」、已退出民主黨的鄭家富提出進一步加強罰則至終身停牌的修訂動議，稱此舉會對職業司機帶來很大影響，不但令鄭家富當場「掟稿」，在社民連「半官網」「香港人網」中亦引起熱議，多名網友在留言時均表示對陳偉業感到失望，「唔知佢搞咩鬼」。
社民連前主席黃毓民動員「炮打司令部」，自以為威風八面，卻影響了原本搞個人崇拜、視該黨領導為「神」的黨內憤青，令他們變得以「挑戰權威為榮」，繼「長毛」梁國雄被批評縱容下屬後，這次自食其果的是該黨另一立法會議員陳偉業。
憤青質疑為攞司機票
在「香港人網」上，多名憤青在留言時，均批評陳偉業以保職業司機的飯碗為由，不肯支持鄭家富的動議：「之前就係有人醉駕害死6條人命，停終身咪停，無人叫你醉駕……市民的生命高於醉駕職業司機的飯碗。」「佢（陳偉業）係咪癡×咗線……著家講緊醉駕喔！飲大咗仲開工揸車？呢啲係乜×嘢道理呀！社民連係未(咪)內鬥鬥都懵×咗？」「有咁嘅議員有咁嘅社會，死咯，就因為係職業司機，更加要正視。」有網民更質疑道：「大o舊要職業司機嘅票？」
貓姐竟稱醉駕為減壓
有支持陳偉業的憤青在網上留言，試圖為陳偉業辯解，例如「挺黃派」的主力之一「貓姐」虞瑋倩就聲稱，職業司機會因為香港生活壓力巨大，「唯一可以逃避、鬆弛，就是賭博、叫雞、劈酒和索K，如果香港基層生活不改善，他們會用其他方法解壓」，有人更為了幫陳偉業開脫，聲言鄭家富「做戲做到七情上面，香港人就係俾呢類戲子議員呃到」。
有網民即時反駁道：「不如降低強姦罰則啦，人哋壓力大之嘛！」「有一日你的親人或者好好嘅朋友俾一位醉駕司機撞瓜咗，而呢位司機係一個積犯，不只一次醉駕撞死人。請問一聲應唔應該判佢終身停牌？定係俾無限次機會佢？因為佢要鬆弛𡦃嘛！係咪咁講呢？」 ■香港文匯報記者 鄭治祖
|
