|
原天主教香港教區主教陳日君捲入傳媒老闆黎智英「捐款門」風波，更成為捐款榜頭號人物，不少網民就在討論區上熱論「捐款門」事件，狠批「陳日君平時口硬兼牙擦，一問到錢淨係識啞口無言尷尬傻笑」，而關於「落格」、「清高有限」、「靈魂有價」、「收錢干政」的質疑更是此起彼落。網友尋正就嚴正呼籲：「陳日君主教，你一向公義，一直為社會不公平事發聲，依家有人話你收錢講嘢喎……咁嚴重嘅指控，請你為自己清白，講句嘢啦……」但陳日君全日「封口」，有網友不禁揶揄他「等緊上帝畀指示，所以無可奉告」。網友「barcam002」則說：「陳輸機，公眾，教友，教會都有知情權，快出來交代吧，唔知記協及港台會否為我哋的知情權出點力嗎？」
近期政壇太熱鬧，網上討論區的話題亦不時更新，新鮮熱辣的黎智英「捐款門」風波昨日可謂「獨佔鰲頭」，成為網友關注「大熱」。對陳日君獨得2,000萬捐款但又不肯回應捐款用途，網友「dummylem@n」就認為：「他連反駁都唔敢……證明身有屎……」
「2000萬元靈魂真值錢」
還有網友質疑「政治獻金」會否用於「荷包自肥」，如「胸毛一人」便問說：「陳教主收咗政治獻金，投放天主教會身上？定抑或自己荷包內？」「ms168」嘆道：「收咗政治獻金，呢鋪變咗政治神棍，正宗『輸機』醜聞」。網友「那些年」就嘆道「樞機靈魂有價」：「陳樞機所付出的，原來值2000萬？他的靈魂真值錢！」
有網友認為教廷應介入調查事件，但網友「cwbguy」卻說：「冇聽聞過梵蒂岡有ICAC這個部門，所以陳樞機應該無事！」
「他不須向凡人交代」
網友「阿倫伯」就建議陳日君與黎智英宜先夾過口供：「天主教會話一毫子都無收過呢~~樞機要好好同黎生夾咗口供先得啦！」陳樞機一下由「道德高地」跌落凡間，網友「temeda-2」就直斥他是「神棍陳」，又揶揄：「他唔洗同你班凡人交代，佢需要同上帝交代咋。」
「Anti_block」就猜疑巨額捐款用途神秘：「呢啲應該係好秘密，唔講得出口，人為咗錢都係為異性，享樂，權力等等，做主教應該唔會有大享樂，一係佢為權力，咁如果天主教可以用錢搞掂而上位，仲唔係大大鑊？」■香港文匯報記者 鄭治祖
|
