本報專訪：黃錦康：「辣招買時間 點解唔支持」

放大圖片

　■黃錦康警告，息口係全球最難估的「動物」。記者張偉民 攝

　香港文匯報訊　(記者 顏倫樂) 政府「雙辣招」公布後屢遭地產業界挑戰，反對之聲不絕於耳，作為前美聯集團副主席黃錦康「無官一身輕」，今次就選擇為政策護航：「政府土地供應遠水不能救近火，宜家整體策略就係BUY TIME，要控制需求，難得可以搵到一個厲害�鴾隤k(買家印花稅)令市場冷靜，樓價可以平穩，點解唔支持？」

黃錦康認為，本港樓市正處於一個相當危險的邊緣：「你問我樓市有無泡沫？而家供樓負擔比率近50%，如果唔出招，樓價一年升20%，兩年升40%，供樓負擔比率去到90%就好危險，一旦美國加息，供樓負擔去到100%以上，樓市肯定爆煲，政府今次出招都係想防患於未然。」

美國一加息 市民難捱得過

　他再警告：「1997年供樓負擔都高到90%，但點解最後樓市�U香港都捱得過？因為減息潮救�鱄輕銦A當時息口由11.25厘跌到2.5厘，就算樓價係咁跌，市民做樓蟹，都總算供得起。今時今日得唔得？無可能，息口已跌至歷史低位，得番2厘左右，如果今次供樓負擔飆至90%，一旦美國加息令樓價下跌，市民面對樓價跌、息口升，兩樣一齊�薄A你話死唔死？」

　不少市民仍一廂情願地以為低息環境會一直維持？黃錦康就提醒息口隨時都會升：「息口係全球最難估的動物，雖然美國先前話2015年先加息，但若果突然出現轉變，美國話加息亦不無可能，唔係未試過。」事實上，最近美國將息口與失業率掛�u，已隱含隨時調高息口的意思。

　他又解釋，現在的高樓價，源於2010年前出現的供應斷層，雖然政府2011年大幅增加土地供應，但時間上趕不上短期供應，因此要控制樓價，唯一方法就是控制需求，「BUY TIME！（以政策買時間）」，今次推出的買家印花稅(BSD)和加強版額外印花稅(SSD)都是想對症下藥：「過多1至2年，供應2萬伙出番�蟈N無事，到時樓價想升都無得升。」

明年首季樓價看跌一成

　黃錦康說，原本預測新政府一上台8月就會出招，故年中曾推測全年「零增長」，誰知政府遲了兩個月，到10月才出「撒手�峞v，雖然交投即時呈「A字形」回落，但樓價尚未見大幅回落：「其實個別發展商開價已經較出招前降低，但一手新盤的減價壓力何時會蔓延至二手市場，估計要5個月時間，相信明年首季會反映BSD的下行壓力，跌幅我估10%左右。」

　至於明年樓市走勢，他預料首季下跌後樓價會相對穩定，並輕微回升，按照目前情況，全年樓價將最終回落約5%。