蔡思貝：說話直唔代表串

放大圖片

　■蔡思貝從小已學會獨立。

相對於Grace的談吐大方，同是22歲的蔡思貝性格比較率直。決賽當晚，Sisley自信爆棚地回應司儀「我覺得我唔係第二，亦都唔係第六，我覺得我係第一！」，這一幕至今仍令外界印象深刻。當記者告訴她有不少幕後人員形容她比較「串咀」時，Sisley一臉無奈。其實她那份率直挺吃虧，「我都知道我講說話比較直，心想果句會直接講出來，但咁唔代表我串同沒禮貌，我所說的話其實沒惡意的。有不少人說過我的性格不適合娛樂圈，但我認為只要想做就一定做到。」

從6月開始參選，她形容這3個月的參選過程不可以用幾個字去形容。「其實當日都幾徬徨，我在德國讀大學，星期三接到電話稱要下周一在香港Interview，我星期五Book機票，星期六上機回港，星期一立即去In。我相信好多事都是整定的，我喜歡行自己要行的路，很多時很多事煮到埋來就吃，我認我份人比較硬頸。」Sisley予人「天不怕、地不怕」的感覺，從小便一個人在外國生活，參選前在德國讀大學，選修比較冷門的民族學。「我從小已經好獨立，13歲獨自赴紐西蘭留學，為賺取零用錢各出奇謀，自薦踏單車幫同學落市區買外賣、洗車等等。後來靠自己去德國考大學，為修讀民族學，因而懂得講一口流利的德文。在德國時，為了賺取學費，我去幫一對德國夫婦照顧他們的初生BB。我對演藝甚感興趣，有諗過做演員，因為我性格一定唔會是坐在辦公室工作的人。但因為我未完成學業，現打算邊讀邊做。」訪問當日，Sisley選了一條甚有特色的民族裙子來拍照，原來在專訪前，她們去了探訪老人家，為令老人家更開心，所以Sisley選了這條裙。