|
阿 杜
一個後進導演翻抄舊專題，拍出一部殭屍片，突然大賣座，在國際影展得幾個獎，圈中多位舊導心思思，照辦煮碗正正是「橋唔怕舊，最緊要受」、「橋唔怕抄，最緊要有貨交」，有老導演正想「抄完再抄」之時，被影圈老雀按住「別動」說「殭屍鬼片」這一類邪門東西好邪門，好嘅唔靈醜嘅靈，你翻抄可能大賣座，但運數唔好之人翻抄就可能醜嘅靈，拍殭屍會出現真靈魂，拍假鬼會撞正真鬼，分分鐘搞出真人命，假鬼撞正真版，好易撞正大吉利是嘢㗎。
由此細佬阿杜就講一單大吉利是嘢畀師弟聽，至今好幾個師弟都時常叫阿杜小心，得閒帶條張天師平安符喺身，以防撞到邪嘢。原來行船之老海員多數迷信，水上人小孩子多數身揹個水葫蘆「辟邪」，小孩子在大海跌落水多數唔救住，到小孩葫蘆被繫着之鎮繩敲起有唧唧之聲，證明水鬼不收此魂，船上人才落水救 人，證明水鬼都唔收做替身。小弟有一回行船泊在曼谷碼頭，一個初級水手貪好玩由細船跳上大船，不小心跳咗落海，阿杜見義勇為正想跳 落水救人，一個老船員大喝「咪住」等遲兩分鐘先，等吓個救生葫蘆鎮繩響唔響？有聲響就可以救。後來三分鐘都沒聲響，小弟忍不住急脫外衣，跳下水救他起來，該新水手從水中爬上船頭，獲救即跪在船尾謝過救命之恩，當晚他就心慌慌辭工回港不再「行船」不肯航海了。
自此一役老海員都心中有陰影，說阿杜身負陰魂，很容易會被水靈急召，但本人膽正命平冇有怕，水火不懼，海上來去了幾十年，迄今卅載仍然命硬如鐵，老海員都笑本師兄命硬如鐵，命大似鋼，能到老保命。本人水來水去七十多仍然保命真是托天之福，上述所有真實之事並無虛言，心內知膽正命平四字十分重要也。為人行事心神正邪事不懼十分重要，半夜敲門也不驚才是正路，有甚麼事先跳落海，那就真的「你唔死我死先」，轉眼就先死可也，「膽」正便 是如此了。
|
