|
鄭志剛身為新世界發展第三代接班人，既要管理集團業務，又醉心於文化藝術及青年事務等，對於如何處理排山倒海的工作，他接受訪問時直言：「唔瞓囉。」他身旁的助手補充說，他每晚只睡3小時，「佢啲電郵（凌晨）3點鐘又嚟，（早上）6點鐘又嚟。」
「我做嘅係創新工作，會改革舊有思維，都算有使命感，加上自己本身鍾意做嘢，就唔會覺得攰。」不過鄭志剛笑言，自己正在透支生命，但現時正值年初，預料自己於5月才可稍事休息，現時只可抽空做做運動、看看有關文化藝術的東西，令自己安靜下來。
樓書封面玩藝術 領導潮流
他回憶自己第一次負責賣樓時，樓書封面只有本地藝術家林東鵬的畫作，一反以樓盤實景或構想圖作封面的傳統，而當時市場甚至集團內部對他的設計均有很大爭議，「幢樓都唔見，你sell乜嘢呀，sell幅畫呀？」但最後的事實是：首批單位不足一個月售罊。「之後間間（發展商）都跟（樓書設計），間間都講藝術。」對於這種改變常規的做法，鄭志剛稱之為disruptive innovation（突破性創新）。
「其實我成日都諗，如果我去做記者得唔得？我有好多嘢想問、想知，鍾意接觸唔同嘅人、唔同嘅事物。」當他講到disruptive innovation時，隨即與助手用手機將此名詞翻譯成中文，「D-I-S呀......」而此時記者尚未從口袋拿出手機。 ■記者 羅雅蘭、朱朗文
|
