Apple Pay加P2P iPhone遲吓有得玩

http://paper.wenweipo.com [2015-08-03]

放大圖片

■拍住賞應用介面。

香港電訊（6823）旗下「拍住賞」是全港首設點對點技術（P2P）轉賬功能的服務，讓用戶單以手機便可向朋友轉賬、夾食飯錢，甚至找「麻雀數」。這項服務對手機缺乏NFC功能的iPhone用戶來說暫時仲未有得玩，不過蘋果公司最新專利顯示，未來考慮為Apple Pay增加P2P的轉賬功能，相信一眾「果迷」很快就可以攞住部iPhone瘋狂去同朋友P2P轉賬。

交易要經生物訊息驗證

美國專利商標局早前正式批准了蘋果該項專利。蘋果用戶將來可以直接通過Apple Pay服務完成支付與轉賬，整個免費操作將會經過加密保安。此外，蘋果還在專利中具體提到，用作兩個設備之間通訊的協議可以是NFC或者藍牙。同時，交易雙方必須在設備上完成生物訊息驗證後才能轉賬，即至少要有指紋驗證。香港消費電子聯盟主席方保僑表示，始終蘋果的開源工具和平台未對外開放，「iPhone的NFC支付一定要等Apple自己搞，再同金管局、銀行等傾，香港的iPhone用家想用手機玩P2P轉賬仲要等多陣」。