■右起：吳卓羲、劉德華和姜皓文昨日在灣仔鬧市拍拆彈戲 。香港文匯報訊（記者 梁靜儀）劉德華（華仔）身兼監製、演員及投資方的電影《拆彈專家》，昨日在灣仔稅務大樓外拍攝一場拆彈戲份，飾演拆彈專家的華仔無懼酷熱天氣，穿上七十磅防爆衣拍攝，其他演員還有吳卓羲（Ron）、姜皓文、張繼聰及蔡瀚億。今次是Ron首次「觸電」，Ron表示華仔很有耐心教他，所以不計酬勞拍攝，華仔聞言即不客氣笑道： 「佢唔計我唔畀喇。」
昨日拍攝的一場戲講述華仔飾演的拆彈專家，到場處理一個疑似當年波士頓馬拉松爆炸案的土製炸彈，飾演華仔下屬的阿Ron更為他穿上防爆衣。劇組又在現場放置了多部道具消防車、警車，以及扮演消防員及警員的演員。
拍到大汗淋漓的華仔事後接受訪問時表示，穿上重達七十磅的防爆衣感覺只有一個字，就是「熱」，感覺就像當年拍《大隻佬》穿肌肉衫般。他又表示拍攝前都有上堂學習關於炸彈的知識，而昨日拍攝現場亦有安排真實的爆炸品處理課人員在場監場指導。華仔透露當中會有多場爆炸戲，其中一個主景是在香港貨櫃碼頭搭建一比一的紅隧景，目前基本上只剩紅隧戲還未拍。問到是否拍攝炸紅隧？華仔卻不肯透露，只稱導演偏向真實拍攝，約三分之一屬後期製作。問到為何會找來阿Ron演出？華仔笑說：「將部戲後生啲，係導演揀佢，我知道後當然贊成。」
吳卓羲在華仔旁認肥仔
問到華仔是否因拍這部戲而瘦了？華仔說：「無，因為要拍姜皓文，佢太瘦喇，我係fit。」旁邊的Ron聽後即笑說：「相比下我就係fat！」問華仔覺得阿Ron可有他的影子？他說：「佢靚仔過我，不過我都靚仔過。」華仔又透露戲中與宋佳會有感情戲。
阿Ron離開無綫後拍攝首部電影就能夠夥拍華仔，華仔指這是Ron人生美好的第一部電影。初次跟華仔合作拍戲，Ron表示華哥很有耐心教他，所以不計酬勞拍攝。華仔即笑說： 「佢唔計我唔畀喇，我無諗過畀，佢係嚟學嘢，我都係畀錢先有得拍，阿Ron第一場戲就要介紹爆炸品，記對白記得好辛苦，成場戲solo。」阿Ron指拍這場戲最大壓力是華仔坐下撓住手看他拍戲。
張繼聰講普通話變笑位
近年長駐內地拍戲的阿Ron，早前被拍到用七人車載女返屋企？Ron回應說：「唔講太多，朋友嚟，再搞會影響到無朋友做。」
有份演出的張繼聰在戲中飾演導遊，他指角色最好玩是要講普通話，但他好認真去做戲，出來都變了笑位。另外，飾演休班警員的蔡瀚億（Babyjohn）透露有一場戲全身被綁上炸彈，最後被華仔救出。