■張文慈昨晚明顯收口。張文慈（Pinky）早前在微博貼上與李麗珍合照，爆出珍妹與潘源良分手一事，昨晚Pinky出席活動時，被問到珍妹的近況時，明顯收口不敢再多講。
早前Pinky與珍妹去了台灣散心，問到珍妹心情如何時，她面帶尷尬說：「我唔係咁方便答，佢心情我唔知，（是否已分手？）我唔係好清楚，私人事都係等佢答返，無理由由我呢個局外人答，（珍妹叫你唔好再講？) 我諗唔好再講人哋嘅嘢好啲，（上次微博甫文珍妹有微言？）佢知嘅，我唔會做啲坉曭器D嘅嘢。」當問到她可有介紹男仔給珍妹認識，她笑言自己都想別人介紹男仔。
近日有報道指珍妹榨乾了潘源良一千萬？她繼續避談說：「答唔到，唔清楚，（報道扯埋珍妹個女落去？）都唔知點解。」被問到珍妹是否瘦了很多時，她指靚女任何時候都要瘦。報道又指珍妹身邊好姊妹都勸她分手？Pinky即說：「我唔敢講，（私下傾？）唔方便回應。」
再問到珍妹的心情是否已平伏？Pinky稱真的不清楚，但近期真的多了約珍妹，只是慰問她隻腳舊患好些未，而台灣之行主要是去醫腳，同行還有一位共同朋友。之後Pinky又為了不能回答記者的問題而道歉，問到以後是否也不敢在微博寫文？她表示只要珍妹明白她就行，又稱並不認識潘源良。