■Sammi拍片為寶珠姐和阿嗲打氣。香港文匯報訊（記者 梁靜儀）陳寶珠與梅雪詩（阿嗲）昨日到電台宣傳8月再度公演的《牡丹亭驚夢》，主辦單位東亞娛樂更送上滋補養顏湯水給兩人，又找來鄭秀文（Sammi）及楊千嬅拍片為二人打氣支持，Sammi在片段中笑指知道寶珠姐八月開Part 2，乘機宣傳自己的演唱會亦將於九月開Part 2，並祝寶珠姐今次演出大賣特賣、狀態特勇、越做越勁同成日都咁靚；千嬅就指媽咪都是寶珠姐迷，上次都有同媽咪捧場，又指粵曲是藝術價值好高的藝術文化，又鼓勵年輕人去欣賞，讓戲曲藝術延續落去，並祝她們演出成功，令二人大感驚喜。
阿嗲表示有時間都想睇Sammi演唱會，知道演唱會飛好難買到， 但相信會買到：「我唔識唱時代曲，但幾鍾意聽。郭富城演唱會我都好想睇，上次佢個演唱會我都有睇，佢嘅演唱會好特別，好多機械性嘅嘢，千嬅嘅電影都成日睇。」
問到二人可想與千嬅合作拍電影？ 阿嗲笑說：「我咁嘅樣，又唔識做戲，仲要係時裝片，畀張輪椅我坐都唔識做，我拍過三部電影，但覺得好戲，感情連貫唔到，可能我唔慣。」以往經常拍電影的寶珠姐，坦言不想再拍電影：「我知現在拍戲好辛苦，科技又發達，觀眾要求高咗好多，自己追唔到，不過自己係超級戲迷。」
再度公演六場《牡丹亭驚夢》，寶珠姐和阿嗲坦言孭了很多飛債，又透露師父白雪仙應該會再到場支持，為他們打氣。