■裕美(左)昨早與王君馨(中)、楊明拍外景戲份。香港文匯報訊（記者 梁靜儀）人妻裕美近日傳出背夫林恩浩（Jason） 搭上無綫男藝員黃子恆，3位當事人亦先後拍片放上社交網交代事件， 裕美聲稱與Jason正辦理離婚，「被離婚」的Jason卻不知情，而黃子恆亦稱認識裕美時不清楚她與老公的關係， 三角戀愈鬧愈大，女主角裕美昨日終於露面為事件解畫。
裕美昨早九時許與王君馨及楊明為無綫新劇《心理追兇》拍攝外景戲份，吸引數十名傳媒追訪，裕美落車後企定讓傳媒拍照，雙眼顯得浮腫，由於拍照期間現場一片混亂更有記者跌倒，王君馨即護送她折返上車，之後才一次過接受傳媒訪問。
受訪時裕美聲沙沙說：「喺2014年同Jason喺屋企發生咗一啲事，細節我唔想講， 當時我盡量包容、容忍，但之後越來越驚，我感到不安、不安全，唔知點處理同人講，因唔識處理去到呢個地步，覺得唔可以再一齊生活，於是去姊妹屋企住。我已決定離婚， 但唔敢同人講，唔想刺激對方，唔知點樣處理事，我係單方面離婚，交緊畀律師處理。」
到王君馨家暫住
她又稱今年與黃子恆發展感情，但因自己處理得不好，只跟對方說跟丈夫分開，為此真心抱歉：「這段婚姻大家都有唔啱嘅地方，最唔希望影響到雙方家人及朋友，真係對唔住！」之前她的朋友爆她遭家暴？對此，她只說：「我正辦理離婚，不便回應。」問到可覺得拖累黃子恆？裕美說：「好抱歉，我真係唔想影響到任何人。（同佢係男、女朋友關係？）呢啲就唔交代喇！我哋有互相慰問，會保護大家，（會發展下去？）暫時唔想回應，(有瞞騙對方？）我只係一個女人，好多嘢唔敢同人講，就算係家人，都要好大勇氣至敢講。」至於Jason是否被離婚而被激怒？裕美稱已交由律師處理，他亦沒有再找她，希望做不成夫妻都可以做到朋友，希望大家可以冷靜去面對。受訪期間，裕美向傳媒兩度鞠躬。
身為裕美好友的王君馨透露對方在她家中暫住，雖不明好友經歷，仍會繼續愛護她。問到她有否見過見裕美身上曾有瘀傷？她說：「我唔係當事人，唔方便回應，只知佢哋真係分開咗一段時間，希望雙方都得到幸福。」