■14位準香港先生昨日首度見傳媒。香港文匯報訊（記者 梁靜儀）《2016香港先生選舉》14位入圍參賽者昨日於酒店內首度會晤傳媒，其中前香港先生羅天宇同母異父的弟弟胡㻗更成功「復活」。會上各人逐一出場作簡單自我介紹。
對於胡㻗「復活」，大會統籌經理余詠珊受訪時解釋之前已揀了他入圍，但因他有一套舞台劇合約，後來合約問題解決了就可以繼續參加。她又指其實有一兩個參加者都是有這問題，但他們解決不到。
至於今年賽制、淘汰多少人、外景地方等問題，余詠珊表示仍未落實，但她指今次選舉猶如耐力賽，會視乎進展而施加壓力，又謂見到有參加者因壓力大而病倒。問到泳褲環節是否取消？余詠珊說：「我唔想有，因為唔希望參加者有心理關口，無泳褲雖然會少咗尖叫聲，但唔會浪費佢哋啲胸肌，希望可以搵到TVB未來的男藝人。」
胡㻗受訪時解釋自己先前有一個品牌舞台劇合約，但現在已解約亦不用賠錢。他說：「我係專程解約來參加港男，之前入唔到圍都有唔開心，我都係五日前先收到電話通知。」問到哥哥羅天宇可有給他貼士？他說：「哥哥叫我唔好緊張，因為自己都怕怕醜醜。」提到田蕊妮指他前晚在《萬千星輝放暑假》見到她時震晒？他承認有少許緊張，但會盡量做好。問他可擔心被指靠哥哥背景？他說：「唔驚，盡量做好自己，（可怕被拿作與哥哥比較？）都唔驚，我同哥哥感情都好好。 」
梁裕恆辭去消防員參賽
「消防員」梁裕恆（Flow）表示最想減肥應賽，將體脂由11降至8。對於今屆比賽可能不設泳褲環節，肌肉發達的Flow稱不會失望，仍有其他方法表現自己，如單槓體操及打拳等。
為了參選香港先生，他日前辭去任職超過5年的「鐵飯碗」消防員工作，一心在娛樂圈發展，問到會否覺得可惜？他否認發明星夢：「臨簽約時都有猶豫，自己付出過咁多年努力，希望自己都有其他發展，自己做咗消防員5年，都有同事叫我留低，話就算選到都唔一定係星光大道，我自己唔係發明星夢，一直都有做義工，想有多啲人認識後去為社會貢獻，好似建學校、解決饑荒問題。」他又自爆參選後多了人關注其社交網站，但男仔較多，之前都有男性向他示愛，但被他拒絕了，因他不是同性戀。提到有傳他是媾女王，Flow照例否認，又稱已單身了4年。
梁志鏘曾與劉翔對賽
面青口唇白的王瑋彤（Tony）帶病上陣，他用微弱聲線表示正在發燒，加上這幾日綵排緊張壓力大，令到個人好易攰。問到可擔心體能應付不來？他說：「盡量啦，盡量放鬆，（可怕會頂唔順？）OK嘅，訓練都唔算好辛苦，係自己緊張，呢幾日又失眠又食唔到。」他謂如果真的很不舒服都會請一兩日病假，但不會退選，因為自己好想參加。
麥凱程表示已參加了5年的自由搏擊運動，但從未參加過比賽，因主要是鍛煉身體。
田徑教練梁志鏘表示2009年曾經和「欄王」劉翔於東亞運動會比賽過，但最後輸了：「我當時輸一個馬鼻。」
程可為姪仔楊灌澤表示姑姐有叫他好好學習。