香港文匯報訊 現年32歲的岑麗香近日被傳與拍拖一年多的圈外男友強強（Joshua）本月拉埋天窗，昨日當事人香香終於承認出嫁！據知，婚禮會在溫哥華舉行，低調從簡，只邀請至親好友觀禮。
昨日下午，香香透過社交網站宣佈與強強結婚，她留言：「我好感恩終於可以同大家宣佈，上帝畀我搵到我嘅Mr.Right 喇！多年前我哋喺溫哥華因為工作關係而認識，但自此並冇聯繫......估唔到多年之後，喺朋友嘅介紹下，我哋再次遇上......強強（Joshua）由朋友變成我男朋友，而到今日，成為我未婚夫！能夠同自己嘅心靈伴侶結婚，係一種幸福，我哋好期待踏上人生另一個階段，可以一同經歷神一齊成長。感謝我嘅家人、朋友、弟兄姊妹、同事一路幫我哋保持低調同保守秘密，多謝觀眾同粉絲朋友們一直嘅支持同祝福！感謝傳媒朋友一路以來對我嘅關心同鼓勵，拍拖之後你哋都好照顧強強。大日子快到了，宜家忙於準備，請體諒我未必可以完全回覆到大家。好感謝大家你們的祝福我哋完全收到晒！ 主祝福你哋。」香香又上載與強強對望的甜蜜合照，相中見香香無名指戴上巨型鑽戒，「放閃」不再避忌。
最快月中擺酒結婚
本報記者恭喜香香成為人妻，香香開心地回覆說「多謝」，她又透露起碼月中之後才擺酒結婚。而香香獲一班姊妹送上祝福，同樣剛宣佈好事近的王君馨戥香香開心，她祝福二人白頭到老，永結同心，她大讚Joshua是個好男仔，為人細心又幽默，常氹得香香笑，所以姊妹們都很放心他能照顧好香香，不過君馨因要北上拍戲，未能去加拿大觀禮，只好遲些請他們吃大餐慶祝；鍾嘉欣也盛讚這對佳偶甜蜜，她說：「Congrats to Lizzy. They r such a sweet couple. Very very happy for them!Another sister getting married. What a wonderful year」。
王祖藍接受本報訪問時透露因有工作在身未能出席婚禮，但太太李亞男則會飛赴當地觀禮，祖藍說：「好開心佢終於鼓起勇氣宣佈喜訊，祝福香香、強強幸福快樂，甜甜蜜蜜！快回港同我哋食飯！」