■黃復華認為創業要有熱情與能力。 張偉民 攝「我創業失敗過好多次，通常我會叫啲年輕人真係唔好隨便創業。」黃復華曾經創業出租錄影帶、賣電器、經營快餐店，皆失敗而回；綜合多次經驗，才把ClubONE做得有聲有色。「千祈唔好因為好似當搵份工，或者唔知做乜就走去創業，呢啲唔係一個原因。應該你要有個熱情，例如話我好恨錢。最緊要睇到一樣嘢，你自己有優勢囉。」
「（如果）你真係想做（生意），就算人哋話到幾有吸引力，你都坐定定先，問清楚自己有幾多強項，需要幾多資金，係咪真係可以做到？」黃復華反思自己以往失敗的創業經驗，認為自己不夠了解行業市況就已經創業。他強調，年輕人不要為了創業而創業，建議有意創業者不要急。他當年成立ClubONE，全因留意到市場上有商機，不少酒樓主要做散餐客，並非專門為婚宴服務設計場地，所以專注婚宴的ClubONE才愈開愈多分店。