■黃復華指，年宵攤位最緊要夠美觀。 受訪者供圖ClubONE會所1号今年連續第四年投得銅鑼灣年宵糖街入口之熟食檔，甚至以破紀錄的82萬元入手，比去年競投價高30%。黃復華用驚嚇形容拍賣價，並指「超出晒預算，超出得好緊要」；以往競爭對手通常累積叫價至50多萬元就不會再繼續，但今次卻非常進取。面對零售市道疲弱，他指競投年宵攤位是希望獲得宣傳成效，並非純粹從賺錢角度考慮。
建形象口碑 好過賣廣告
「如果我用82萬賣廣告，人哋睇唔睇先？」在2017年農曆年宵攤位競投現場，黃復華穿着紅色中式長袍馬褂，由身穿全白長拖尾婚紗的員工陪同下參與競投，成為場內焦點。「如果我哋純粹用錢嚟做着眼點，就唔會咁樣投法㗎。你見到真係賣小食嗰啲呢，佢一計條數根本計到，就唔會去（叫價）㗎啦，所以我哋係做一個形象推廣同埋口碑。」
黃復華表示，身為婚宴公司，一定會把攤位裝飾得很漂亮，單是製作和裝飾攤位已需30多萬元，普通製作一個熟食攤位未必需要如此昂貴。不過ClubONE今年更希望加碼，把攤位裝飾得更精美。新人設宴，除了考慮到場地美觀，還重視食物質素，絕不能待薄賓客。他稱，在年宵售賣鮑魚及雞鮑翅等中式食品，是希望讓大眾了解ClubONE的食物質素：「我哋差唔多來貨價咁賣，鮑魚賣成兩三萬隻。」